अन्तर्राष्ट्रिय अपाङ्गता दिवसको अवसरमा इन्द्रावतीमा सहायता सामग्री वितरण

मंसिर १८, २०७७ बिहीबार २०:२४:१ | किरण थापा

सिन्धुपाल्चोक – अन्तर्राष्ट्रिय अपाङ्गता दिवसको अवसरमा इन्द्रावती गाँउपालिकाद्वारा आयोजित रक्तदान कार्यक्रम तथा अपाङ्गता सहायता सामग्री वितरण कार्यक्रम सम्पन्न भएको छ ।

इन्द्रावती गाउँपालिकाको कार्यालय नवलपुरमा भएको कार्यक्रममा ६८ जनाले रक्तदान गरेका छन् । अन्तर्राष्ट्रिय अपाङ्गता दिवसको अवसरमा गरिएको रक्तदान कार्यक्रममा अपाङ्गता भएका व्यक्तिहरुलाई सहायता सामग्री पनि वितरण गरिएको हो ।

कार्यक्रममा बोल्दै इन्द्रावती गाँउपालिकाका अध्यक्ष वशंलाल तामाङले कोरोना महामारीको बीचमा रगत अभाव हुन नदिनका लागि रक्तदान कार्यक्रम गरिएको बताउनुभयो ।

कार्यक्रममा नौ जनालाई अपाङ्गता सहायता सामग्री वितरण गरिएको गाउँपालिका अध्यक्ष तामाङले जानकारी दिनुभयो । वितरण गर्न बाँकी अपाङ्गता सहायता सामग्री इन्द्रावती गाउँपालिकाले जिम्मा लिएको छ । ती सामग्री आवश्यकताअनुसार वितरण गरिने अध्यक्ष तामाङले जानकारी दिनुभयो ।

उहाँका अनुसार २२ थान वैशाखी, १९ थान सेतो छडी, ३६ थान खाद्यान्न सामग्री, दुई बोरा आठ प्याकेट डाइपर रहेको थियो । कार्यक्रम सप्रोस नेपाल र राष्ट्रिय अपाङ्ग महासङ्घको सहयोग, इन्द्रावती गाउँपालिका अपाङ्ग सञ्जालको समन्वयमा भएको हो । कार्यक्रमको प्राविधिक सहयोग नेपाल रेडक्रस सोसाइटी जिल्ला शाखा सिन्धुपाल्चोकले गरेको थियो ।

सप्रोस नेपालको सहयोगमा इन्द्रावती गाँउपालिकाभित्र रहेका अपाङ्गता भएका व्यक्तिहरुलाई सहायता सामग्री वितरण गरिएको हो । साथै गाँउपालिकास्तरीय अपाङ्गता समन्वय समिति पनि गठन गरीएको छ, यो समिति गठनको लागि सप्रोस नेपालले सहजीकरण गरेको हो ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

किरण थापा

किरण थापा सिन्धुपाल्चाेकका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्