गोरखा अस्पतालको आकस्मिक बाहेकका सेवा बन्द, डाक्टरमाथि भएको हातपातको घटना छानबिन गर्न समिति गठन

मंसिर २१, २०७७ आइतबार १५:७:३६ | किरण लोहनी

गोरखा – गाेरखा अस्पतालका कर्मचारीहरूले आकस्मिक बाहेकको सेवा बन्द गरेका छन् । ड्युटीमा खटिएका डाक्टरमाथि हातपात भएको विरोधमा उनीहरूले आइतबारदेखि आकस्मिक बाहेकका सेवा बहिष्कार गरेका हुन् ।

उनीहरूले हातपात तथा दुर्व्यवहार गर्नेलाई कानुनी कारबाही नभएसम्म आकस्मिक बाहेकका सेवा नदिने जनाएका छन् । आइतबार बिहान अस्पताल परिसरमा जम्मा भएका स्वास्थ्यकर्मीहरूले अस्पताल प्रशासनले सुरक्षाको प्रत्याभूति दिलाउँदै आउँदा दिनमा यस प्रकारको घटना नदोहोरिने सुनिश्चितता गर्नुपर्ने माग गरेका छन् ।

कोरोनाको जोखिमका बीचमा पनि सेवामा कमी नगरेको तर डाक्टरमाथि हातपात गर्नु निन्दनीय भएको अस्पताल विकास समिति कर्मचारी युनियनका अध्यक्ष चिजकुमार श्रेष्ठले बताउनुभयो ।

गोरखा नगरपालिका ३ की सृष्टि बानियाँ सुत्केरी हुन अस्पताल भर्ना हुनुभएको थियो । शौचालय जाँदा लडेपछि उहाँका कुरुवाहरूसँग स्वास्थ्यकर्मीको सामान्य विवाद भएको थियो । सुत्केरी महिलाका श्रीमान् देवेन्द्रजंग कुँवरले स्वास्थ्यकर्मीले दुर्व्यवहार गरेको भन्दै कारबाहीका लागि गोरखा अस्पताल विकास समितिमा निवेदन दिनुभएको छ ।

घटनाबारे छानबिन गर्न गोरखा अस्पताल विकास समितिले पाँच सदस्यीय समिति नै गठन गरेको छ । समितिलाई घटनाबारे छानबिन गरेर एक हप्ताभित्र प्रतिवेदन बुझाउन भनिएको अस्पताल विकास समितिका अध्यक्ष पुरुषोत्तम अर्यालले बताउनुभयो । घटनाबारे छानबिन सुरु भइसकेकाले सेवा बहिष्कार गरेका स्वास्थ्यकर्मीहरूलाई काममा फर्कन आग्रह गरिएको उहाँको भनाइ छ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

किरण लोहनी

उज्यालोका गोरखा सम्वाददाता किरण लोहनी गोरखाको च्वाइस एफएममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्