बेलायत र युरोपियन युनियनबीच ब्रेक्जिटपछिको व्यापार सम्झौतामा हस्ताक्षर

पुष १०, २०७७ शुक्रबार ९:५४:३३ | उज्यालो सहकर्मी

काठमाण्डाै - बेलायत र युरोपियन युनियनबीच ब्रेक्जिटपछिको व्यापार सम्झौतामा हस्ताक्षर भएको छ । यस सम्झौताका लागि विगत ११ महिनादेखि दुवै पक्षबीच वार्ता भइरहेको थियो ।

२०२० को जनवरीमा युरोपियन युनियनबाट बेलायत औपचारिक रुपमै बाहिरिएको थियो । यसलाई ब्रेक्जिट भनिन्छ । बेलायती प्रधानमन्त्री बोरिस जोन्सन र युरोपेली आयोगकी अध्यक्ष उर्जुला फोनडेर लायनले दुई पक्षबीच सम्झौता भएको पुष्टि गर्नुभएको छ ।

आफूहरुले कानुन तथा भविष्यमाथि नियन्त्रण कायम गरी समग्र युरोपका लागि राम्रो सम्झौता गरेको डाउनिङ्ग स्ट्रीटमा भएको पत्रकार सम्मेलनमा बेलायतका प्रधानमन्त्री बोरिस जोनसनले बताउनुभएको छ । यो सम्झौताले व्यापार मामिलामा ठूलो परिवर्तन गर्ने उहाँको दाबी छ ।

बेलायत र युरोपियन युनियनका अब दुई छुट्टाछुट्टै बजार हुनेछन् र एकअर्कामा स्वतन्त्र आवागमनको अन्त्य हुनेछ । तर सीमामा अवरोध तथा आयातमा करलगायतका क्षेत्रमा सहजताका लागि सम्झौता महत्वपूर्ण हुने बीबीसीको खबरमा उल्लेख छ ।

ब्रसेल्समा भएको पत्रकार सम्मेलनमा युरोपेली आयोगकी प्रमुख उर्जुला फोनडेर लायनले पनि सहमति निक्कै फलदायी हुने बताउनुभएको छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्