आयकरको विवरण र कम्पनी नवीकरण गर्ने म्याद थप्न परिसंघको माग

पुष २५, २०७७ शनिबार १५:५२:१९ | उज्यालो सहकर्मी

काठमाण्डाै - नेपाल उद्योग परिसंघले आयकर विवरण बझाउने तथा कम्पनी नवीकरण गर्ने म्याद आगामी चैत मसान्तसम्म थप गर्न माग गरेको छ ।

परिसंघका अध्यक्ष सतिशकुमार मोरले सरकारका सम्बन्धित निकायका पदाधिकारीहरुसँग छलफल गरी म्याद थपको माग गर्नु भएको हो । उहाँले पहिले सरकारले भनेकै समयमा उद्योगी व्यवसायीहरुले आयकर विवरण बझाउने र कम्पनी नवीकरण गरेको तर अहिले कोभिडको कारणबाट उद्योग व्यवसायहरु प्रभावित भएकोले म्याद थप गर्नुको विकल्प नरहेको बताउनु भयो ।

कोभिडको कारण कतिपय उद्योग व्यवसायहरु खुल्ने अवस्थामा नरहेको र अहिले उद्योग व्यवसायले सञ्चालनको गति लिइरहेको अवस्थामा कतिपय उद्योगी व्यवसायीहरुले लेखा परीक्षण कार्यसमेत सम्पन्न गर्न नसकेको अवस्थालाई मध्यनजगर गरी आगामी चैत मसान्तसम्म म्याद थप गरे उद्योगी व्यसायीलाई सहज हुने अध्यक्ष मोरको भनाई रहेको छ ।

कतिपय उद्योग एवं व्यवसायमा समयमा नै आयकर विवरण बुझाउने तथा कम्पनी अद्यावधिक गर्ने परिस्थिति नहुँदा उद्योगी व्यवसायीले थप शुल्क तथा जरिवान तिर्नु पर्ने भएकोले सरकारले समयमा नै म्याद थप गरी समस्याको समाधान गर्न परिसंघले माग गरेको छ । परिसंघले प्रभावित व्यवसायीहरुले समय थप भएसँगै सहजरुपमा आयकर विवरण बुझाउन तथा कम्पनी अद्यावधिक गरी सरकारको राजश्व संकलनको लक्ष्यमा सघाउ पुर्याउन परिसंघ प्रतिवद्ध रहेको जनाएको छ ।

आयकर ऐनमा भएको व्यवस्था अनुसार चालु आर्थिक वर्षको अनुमानित आयकर विवरण पुस मसान्तभित्रै बुझाउनुपर्छ भने कम्पनी ऐनमा व्यवस्था भए अनुसार कम्पनी अद्यावधिक गर्नुपर्ने म्याद पनि पुस मसान्तसम्म तोकिएको छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्