‘सिमानाकाे कुरा उठाउँदैमा भारतसँगको सम्बन्ध बिग्रँदैन, मित्रतापूर्ण ढङ्गले भूमि फिर्ता हुन्छ’

पुष २६, २०७७ आइतबार १३:५८:१४ | उज्यालो सहकर्मी

काठमाण्डाै – प्रधानमन्त्री केपी शर्मा ओलीले सिमानाबारे कुरा उठाउँदैमा भारतसँगको सम्बन्ध नबिग्रिने बताउनुभएको छ । भारतसँग मित्रतापूर्ण ढङ्गले मात्रै भूमि फिर्ता गर्न सहज हुने भएकाले भारतसँगको सम्बन्ध थप सुमधुर बनाउने प्रयासमा आफू रहेको उहाँको भनाइ छ ।

आइतबार राष्ट्रिय सभा बैठकमा सम्बाेधन गर्दै प्रधानमन्त्री ओलीले सिमानामा देखिएका समस्याबारे न्यायोचित तर्कसहित खुलस्त भन्नुपर्ने र त्यसका लागि रिस गरेर मात्रै नहुने उहाँले बताउनुभयो ।

सम्बन्ध बिग्रने डरले आफू आफ्नो भूमिबारे चुप लागेर बस्न नसक्ने भन्दै उहाँले सुमधुर सम्बन्ध कायम गरेर पनि यसबारे आफूले छलफल अघि बढाएको बताउनुभयो । आफूहरूले सही भूमिमा दाबी गरेकाले अब नक्साबाट मात्रै नभइ भूमिलाई व्यवहारमा नै कायम गरेर छाड्ने दाबी गर्नुभयो ।

सुगौली सन्धिपछि एक सय ४६ वर्षसम्म नेपालको भू–भाग नक्साबाटै गायब गरिएको स्मरण गर्दै उहाँले अहिले भू–भाग नक्सामा समेटिएकाे र मित्रतापूर्ण ढङ्गले व्यवहारमा नै भूमि फिर्ता गरेरै छाड्ने बताउनुभयो ।

उत्तरी सिमानामा पनि थुप्रै नाकाहरू खुलेको भन्दै उहाँले रेल, पानीजहाज, जलमार्ग आदिबारे आफूले काम गर्न खोजेको देखेर केहीको मन पोल्न थालेको आरोप लगाउनुभयो ।

अन्तिम अपडेट: पुस २५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्