सरकारले इतिहासमा 'रेकर्ड' राख्ने धेरै काम गरेको छ, अब गफ फिट्ने दिन गए : प्रधानमन्त्री ओली

पुष २६, २०७७ आइतबार १४:१५:८ | उज्यालो सहकर्मी

काठमाण्डाै – प्रधानमन्त्री केपी शर्मा ओलीले अहिलेको सरकारले इतिहासमा 'रेकर्ड' कायम राख्ने धेरै काम गरेको दाबी गर्नुभएको छ ।

एकैदिन तीन सय नाै अस्पताल शिलान्यास गरेर सरकारले अहिलेसम्मकै रेकर्ड कायम गरेको उदाहरण दिँदै उहाँले यस्ता थुप्रै काम अहिलेको सरकारले गरेको बताउनुभयो । यसअघि एक वर्ष हैन धेरै वर्षसम्म पनि यो सङ्ख्यामा अस्पताल बनाउन शिलान्यासकाे कामसमेत नभएको भन्दै उहाँले सरकारले जनजीविकाका सवालमा धेरै काम गरेको बताउनुभयो ।

आइतबार राष्ट्रिय सभामा सम्बाेधन गर्दै प्रधानमन्त्री ओलीले अब गफ फिट्ने दिन गएको समेत बताउनुभयो । गफ गरेर बसेर मात्रै नहुने भन्दै उहाँले काम गरेर त्यसको उपलब्धि देखाउनुपर्ने उहाँले बताउनुभयो । आफूले गल्ती गरेको रहेछ भने नागरिकले दण्ड दिने भन्दै उहाँले खुट्टा नकमाइकन चुनावी मैदानमा आउन आह्वान गर्नुभयो ।

यसैबीच उहाँले सरकारले नागरिकमा जागरण फैलाएकै कारण कोरोनालाई थप भयावह हुनबाट बचाएकाे दाबी गर्नुभएको छ । उहाँले अनिवार्य हात धुन, विभिन्न जडीबुटीको प्रयोग गर्न र तातो पानी खान सल्लाह दिएर कोभिडसँग सामना गरिरहेको बताउनुभयो ।

उहाँले कोरोनाविरुद्धको खाेप ल्याउने तयारीमा सरकार रहेको र केही समयमै कोभिडको समस्या समाधान हुने विश्वास गर्नुभयो । नेपाली नागरिकको जीवन नै सरकारको सबैभन्दा पहिलो प्राथमिकतामा रहेको उहाँको भनाइ छ ।

अन्तिम अपडेट: पुस २५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्