'क्लिन फीड' पालना नगर्ने विदेशी टेलिभिजन च्यालनलाई सरकारको चेतावनी

विज्ञापनरहित नबनाए कारबाही गर्ने तयारी

पुष २६, २०७७ आइतबार १६:७:९ | उज्यालो सहकर्मी

काठमाण्डाै – सरकारले क्लिन फीड लागू नगर्ने टेलिभिजन च्यानललाई कारबाही गर्ने चेतावनी दिएको छ । विदेशी टीभी च्यानल विज्ञापनरहित बनाउनका लागि विज्ञापन ऐन कार्यान्वयन भइरहेको अवस्थामा केही च्यानल विज्ञापनसहित प्रसारण भइरहेका भन्दै विज्ञापन बोर्डले चेतावनी दिएको हो ।

सरकारले गएकाे वर्ष विज्ञापन नियमन गर्ने ऐन २०७६ ल्याएपछि नेपाली टेलिभिजनले विदेशी डबिङ विज्ञापन रोक्नुपर्ने तर ऐन आएको १४ महिनासम्म नरोकेपछि विज्ञापन बोर्डले कारबाहीको तयारी गरेको हो ।

विज्ञापन ऐन आएको १४ महिना अर्थात् क्लिन फीड लागू भएको साढे दुई महिनासम्म कानुनअनुसार केही टेलिभिजन च्यानल प्रसारण नभएको भन्दै कारबाहीको तयारी गरिएको बोर्डका अध्यक्ष डिल्लीराम शर्माले जानकारी दिनुभयो ।

उहाँका अनुसार यसअघि कानुनको पालना नगर्ने टेलिभिजन च्यानललाई लिखितरूपमा जानकारी गराइएको र पटक–पटकको अनुरोधमा सुधार नआएपछि कारबाही हुनेछ । विज्ञापन ऐनअनुसार २०७७ कात्तिक ८ गतेदेखि विदेशी टेलिभिजन च्यानल विज्ञापनरहित प्रसारण भएका छन् ।

अन्तिम अपडेट: फागुन १९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्