दैनिक पीसीआर परीक्षण ४ हजारभन्दा कममा झर्‍याे

पुष २६, २०७७ आइतबार १६:४१:५३ | उज्यालो सहकर्मी

काठमाण्डाै – सरकारले कोरोना भाइरस पत्ता लगाउन गरिने पीसीआर परीक्षण घटाउँदै लगेको छ । केही समयअघि दैनिक १५ हजारभन्दा धेरैको स्वाब पीसीआर विधिमार्फत परीक्षण हुने गरेकामा अहिले परीक्षण चार हजारभन्दा तल झरेको छ ।

आइतबार जम्मा तीन हजार तीन सय ९९ नमुनाको पीसीआर परीक्षण भएको स्वास्थ्य तथा जनसङ्ख्या मन्त्रालयले जनाएको छ । अहिलेसम्म १९ लाख ८२ हजार दुई सय ४६ जनाकाे पीसीआर परीक्षण भएका छन् ।

पछिल्लो २४ घण्टामा तीन हजार तीन सय ९९ जनाको परीक्षण गर्दा दुई सय ५९ जनामा सङ्क्रमण पुष्टि भएको मन्त्रालयले जनाएको छ । नेपालमा अहिलेसम्म सङ्क्रमण पुष्टि हुनेको सङ्ख्या दुई लाख ६४ हजार सात सय ८० पुगेको छ ।

आइतबार थप पाँच सय १३ जना निको भएसँगै कोरोनामुक्त हुनेको सङ्ख्या दुई लाख ५८ हजार चार सय ४१ पुगेको छ । पछिल्लो २४ घण्टामा थप पाँच जनाको ज्यान गएसँगै कोरोना सङ्क्रमणका कारण ज्यान गुमाउनेको सङ्ख्या एक हजार नाै सय १७ पुगेको छ ।

आइतबारसम्म आइसाेलेशनमा रहने सक्रिय सङ्क्रमितकाे सङ्ख्या चार हजार चार सय २२ छ भने क्वरेण्टीनमा रहनेकाे सङ्ख्या दुई सय ५७ छ ।

अन्तिम अपडेट: फागुन २१, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्