काठमाण्डाै तातिसकेकाे छ, केपी ओली कुर्सीबाट झर्नैपर्छ : अष्टलक्ष्मी शाक्य

पुष २९, २०७७ बुधबार १७:४९:५० | उज्यालो सहकर्मी

काठमाण्डौ – नेपाल कम्युनिस्ट पार्टी नेकपाको दाहाल–नेपाल समूहकी नेतृ अष्टलक्ष्मी शाक्यले प्रधानमन्त्री केपी शर्मा ओली कम्युनिस्ट आन्दोलनलाई समाप्त पार्ने दिशामा अघि बढेको आरोप लगाउनुभएको छ ।

बुधवार दाहाल–नेपाल समूहको काठमाण्डौ भेलालाई सम्बोधन गर्दै वाग्मती प्रदेश इञ्चार्ज शाक्यले प्रधानमन्त्री ओलीले कम्युनिस्ट मूल्य, मान्यता विपरीत प्रतिगमन गरेको दाबी गर्नुभएको हो । उहाँले प्रधानमन्त्री ओली प्रतिगमनकारी, तनाशाही र स्वेच्छाचारी भएको आरोप लगाउनुभयो ।

उहाँले भन्नुभयो, ‘केपी ओली कमरेड होइन प्रतिगमनकारी हो । तानाशाही हो । स्वेच्छाचारी हो । उहाँले संविधानमाथि धावा बोल्नुभयो । गणतन्त्रमाथि धावा बोल्नुभयो । उहाँले सङ्घीय लोकतान्त्रिक गणतन्त्रको चिरहरण गर्नुभएको छ । उहाँ तानाशाही नेता हो । प्रतिगमनकारी नेता हो ।’

नेतृ शाक्यले केन्द्रीय कमिटीमा आफूहरुसँग बहुमत रहेको दाबी गर्नुभयो । ‘१४ वर्ष जेल बसेको रे ? तर केपी ओलीमा कम्युनिस्ट चरित्र विरोधी रुपको झल्को देखिन्छ । केपी ओलीमा कम्युनिस्ट सोच छैन । आदर्श छैन । मूल्य, मान्यता छैन । त्यसैले प्रतिगमनले घुँडा टेक्नुपर्छ । केपी ओली तानाशाहाले घुँडा टेक्नुपर्छ । काठमाण्डौ तात्दै तात्दैन तर तातेपछि सेलाउँदैन । कुनै पनि आन्दोलनलाई निष्कर्षमा पुर्‍याउनका लागि काठमाण्डौको योगदान रहँदै आएको छ । यो बृहत् भेलाले काठमाण्डौ तातिसकेको मैले महसुस गरेको छु । अहिले काठमाण्डौ सिङ्गै आन्दोलनको केन्द्रविन्दु भएको छ । काठमाण्डौवासी तातिसकेकाले प्रतिगमन र तानाशाही केपी ओलीविरुद्धको आन्दोलन निर्णायकमा पुग्न समय लाग्दैन । उहाँ अब कुर्सीबाट झर्नैपर्छ । फेरि पनि सडकमा धक्का दिनुपर्ने स्थिति आएको छ’, उहाँले भन्नुभयो ।

काठमाण्डौवासीहरू निरङ्कुशतन्त्र, एकात्मक व्यवस्था र राजतन्त्र व्यवस्थामा विश्वास नगर्ने र लोकतन्त्र र गणतन्त्र मन पराउने भन्दै उहाँले काठमाण्डौवासीहरू प्रतिगमन नसच्चिएसम्म सेलाएर नबस्ने चेतावनी दिनुभयो ।

अन्तिम अपडेट: पुस २५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्