साँधीखोलामा आएको बाढीले पुलमा क्षति, खुर्सानीबारी र बाह्रबिसेको सम्पर्क टुट्ने भन्दै स्थानीय त्रसित

भदौ २, २०७५ शनिबार १४:३:१४ | किरण थापा

सिन्धुपाल्चोक – निरन्तरको वर्षका कारण सिन्धुपाल्चोक जिल्लाभरिका २ सयभन्दा बढी घरहरुमा असर पुगिसकेको छ ।

कतिपय स्थानहरुमा सडकहरु पनि अवरुद्ध भएका छन् । शुक्रबार रातिको वर्षाका कारण साँधीखोल्सामा आएको बाढीले बाह्रबिसे नगरपालिका बाह्रबिसे बजार र खुर्सानीबारीको बस्ती जोड्ने पुलमा क्षति पुगेको छ ।

पुलको एकतर्फको आधा भाग बाढीले बगाएको छ । बाह्रबिसे–३, भीरकुना र ४ कोसिनडाँडामा खसेको पहिरो र वर्षाले साँधीखोला बढेर अएपछि बाह्रबिसे र खुर्सानिबारी जोड्ने साँधीखोल्सा पुल धरापमा परेको हो ।

पुलमा क्षति पुगेपछि बाह्रबिसे बजारका स्थानीयमा त्रास फैलिएको छ । बजार जोड्ने पुलको कुनाको भागलाई बाढीले हुत्याएर सुनकोसी छेउमा पुर्याएपछि पुलको एकछेउ ढल्किएको छ ।

पुल खतरामा भएपछि बढी भारका सवारीसाधनलाई आउजाउ गर्न प्रतिबन्ध लगाइने प्रहरीले जनाएको छ । पुल जोखिममा परेपछि त्रासमा यसक्षेत्रका सवारीसाधान जान नमान्ने भएपछि डराउँदै यात्रु पैदल यात्रा गर्न बाध्य छन् । छिटफुट रुपमा मात्र आवागमन भएको छ ।

समयमा नै पुलको सुरक्षामा चासो नदिए खुर्सानीबारी र बाह्रबिसे बजारको सम्पर्क टुट्ने स्थानीयको भनाइ छ । यही बजार हुँदै सीमावर्ती क्षेत्र तातोपानीदेखि दुई दर्जनभन्दा बढी गाउँका स्थानीय ओहोर दोहोर गर्ने भएकाले पुलको तत्कालै मर्मत थालिनुपर्ने स्थानीय सुरेन्द्र श्रेष्ठले बताउनुभएको छ ।

भीरकुना गाउँ हुँदै बजार झरेको साँधीखोला बढेर सुनकोसीको सतह माथि आएपछि बजारमा भागभाग हुने गरेको छ । साँधीखोलाले वरिपरीको खेती र जमिनको भाग काट्दे लगेकाले बेलैमा रोकथाम नगरिए बजार संकटमा पर्ने स्थानीय दुर्गाप्रसाद भण्डारीले बताउनुभयो ।

पुल यही तरिकाले कोशी छेउ ढल्कंदै गएमा बजारलाई कोसीले असर पार्नसक्ने देखिएको छ ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

किरण थापा

किरण थापा सिन्धुपाल्चाेकका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्