'प्रधानमन्त्री ओलीले गल्ती गरेको हो' भनेर सर्वाेच्चले प्रमाणित गरिसक्यो, अब राजीनामा दिनुपर्छ : अध्यक्ष यादव

फागुन १३, २०७७ बिहीबार १९:५५:१७ | सुजता सुनुवार

इलाम – जनता समाजवादी पार्टी (जसपा) का केन्द्रीय अध्यक्ष तथा पूर्वउपप्रधानमन्त्री उपेन्द्र यादवले प्रधानमन्त्री ओलीले राजीनामा दिएर बाटो खुलाउनुपर्ने बताउनुभएको छ । जसपा इलाम जिल्ला समन्वय समितिले बिहीवार गरेको जनसभालाई सम्बोधन गर्दै नेता यादवले आफ्नो नैतिकता जोगाउन पनि प्रधानमन्त्री ओलीले राजीनामा दिनुपर्ने बताउनुभएको हो ।

‘संविधान नै उल्लङ्घन गरेपछि प्रधानमन्त्रीले सजाय पाउनु पर्छ कि पर्दैन ? जनसभालाई प्रश्न गर्दै उहाँले भन्नुभयो, ‘सर्वोच्चले नै गल्ती गरेको भनेर प्रमाणित गरी नै सक्यो । यो फैसला मात्रै हो, मलाई केही असर पर्दैन भनेर देशमा अस्थिरता खडा गरेर बसिरहनु भनेको निरङ्कुशता ल्याउनु हो ।’ प्रधानमन्त्री ओलीमा सत्ताको महत्त्वाकाङ्क्षा देखिन थालेको नेता यादवले आरोप लगाउनुभयो ।’

प्रधानमन्त्री ओली सङ्घीयता र लोकतन्त्र समाप्त गर्ने बाटोमा लागेको भन्दै नेता यादवले त्यही महत्त्वाकाङ्क्षाको परिणाम प्रतिनिधि सभा विघटन भएको जिकिरसमेत गर्नुभयो ।

अन्तिम अपडेट: पुस २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुजता सुनुवार

सुजता सुनुवार उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्