इन्डोनेसियामा बाढी र पहिरोमा परि ज्यान गुमाउनेकाे सङ्ख्या १७७ पुग्याे

चैत २६, २०७७ बिहीबार १२:४८:८ | उज्यालो सहकर्मी

काठमाण्डाै - इन्डोनेसिया र तिमाेर लेस्तेमा आएको बाढी र पहिरोमा परि ज्यान गुमाउनेकाे सङ्ख्या १७७ पुगेकाे छ ।

बाढी र पहिरोको कारण अझै पनि दर्जनौँ व्यक्ति हराइरहेका जाकार्ताका सरकारी अधिकारीहरुले बताएका छन् । यस बाढीबाट इन्डोनेसिया र छिमेक देश तिमाेर बढी प्रभावित भएको बीबीसीमा उल्लेख छ ।

यस प्रकोपबाट इन्डोनेसियामा १४० र तिमाेर लेस्तेमा ३७ जनाको ज्यान गएकाे इन्डोनेसियाको विपद् व्यवस्थापन निकायका प्रवक्ताले बताएका छन् । निकायका अनुसार तिमाेरको राजधानी डिलीको आवासीय क्षेत्रमा धेरै व्यक्तिको ज्यान गएकाे छ । इन्डोनेसियामा अझै पनि ७० भन्दा बढी व्यक्ति हराइरहेका खोजी तथा उद्धार कार्यमा संलग्न टोलीले जानकारी दिएका छन् ।

बाढी पहिरोका कारण दर्जनौँ घरसहित भौतिक संरचनामा क्षति पुगेको जनाइएको छ । आँधीबेहरीले लेम्बाटा टापुको केही गाउँ र समुद्रको किनारमा अवस्थित भवनहरू बगाएको बताइएको छ । वर्षाको समयमा इन्डोनेसियाली द्वीपहरुका बाढी र पहिरोको प्रकोपले सताउने सामान्य जस्तो नै भएको पाइन्छ ।

गएकाे जनवरी महिनामा इन्डोनेसियाको पश्चिमी भागमा पर्ने जाभा प्रान्तको सुमेडाङ सहरमा आएको बाढीमा परेर कम्तीका ४० व्यक्तिको ज्यान गएकाे थियाे । इन्डोनेसियाको १२ करोड ५० लाख अर्थात देशको लगभग आधा जनसंख्या पहिरोको जोखिम रहेको क्षेत्रमा बस्दै आएका विपद् सम्बन्धित एक अध्ययनले देखाएकाे छ ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्