भारतमा कोरोनाबाट ज्यान गुमाउनेको सङ्ख्या पाँच महिनायताकै उच्च

चैत २७, २०७७ शुक्रबार ८:५५:३८ | उज्यालो सहकर्मी

काठमाण्डाै - भारतमा गएको २४ घण्टामा कोरोना भाइरसको सङ्क्रमणबाट ८ सय जनाभन्दा धेरैको ज्यान गएको छ ।

भारतमा सन् २०२० को अक्टोबर महिनापछि कोरोनाका कारण ज्यान गुमाउनेको सङ्ख्या यति धेरै पुगेको हो ।

भारतीय सञ्चारमाध्यमका अनुसार गएको २४ घण्टामा कोरोनाका कारण त्यहाँ ८ सय २ जनाको ज्यान गएको छ भने एक लाख ३१ हजार ८ सय ९३ जना सङ्क्रमित भएका छन् ।

महाराष्ट्रमा मात्रै ६० हजारभन्दा धेरै नयाँ सङ्क्रमित थपिएका छन् । केही दिनयता भारतमा सङ्क्रमितको सङ्ख्या बढेर हरेक दिन एक लाख नाघ्ने गरेको छ ।

कोरोनाका कारण बालबालिका र युवा पनि उच्च जोखिममा परेका छन् । बढ्दो सङ्क्रमणलाई मध्यनजर गर्दै भारतका केही ठाउँमा रात्रिकालीन कर्फ्यु छ भने केही ठाउँमा लकडाउन छ ।

कर्नाटकको सबैभन्दा ठूलो सहर बेङ्ग्लोरसहित ६ सहरमा भोलिदेखि वैशाख सात गतेसम्म रात्रिकालीन कर्फ्यु लगाइने भएकाे छ । यस्तै, मध्य प्रदेशमा आज बिहान ६ बजेदेखि सोमवार बिहान ६ बजेसम्म लकडाउन छ । यस्तै, कोरोनाको उच्च जोखिम रहेका क्षेत्रका शिक्षण संस्था बन्द भएका छन् ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्