अफगानिस्तानमा रहेका अमेरिकी सेना मे १ तारिखदेखि फर्किने

वैशाख २, २०७८ बिहीबार १०:४८:१३ | उज्यालो सहकर्मी

काठमाण्डाै - अमेरिकाका राष्ट्रपति जो बाइडेनले अफगानिस्तानमा रहेका आफ्ना सेना मे १ देखि फिर्ता बोलाउने घोषणा गर्नुभएको छ ।

राष्ट्रपति बाइडेनको घोषणा अनुसार मे १ देखि फिर्ता हुन थाल्ने र आउँदो सेप्टेम्बर ११ सम्ममा सबै अमेरिकी सैनिकले अफगानिस्तान छाड्नेछन् ।

सन् २००१ मा अमेरिकामा रहेकाे विश्व व्यापार संगठनको भवनमा भएको हमलाको २० औं वार्षिकीसँगै आतङ्कवादविरुद्ध लड्न अफगानिस्तान पठाएका आफ्ना सेना फिर्ता बोलाउन थाल्ने राष्ट्रपति बाइडेनले घोषणा गर्नुभएको हो ।

२० वर्षदेखि जारी युद्धमा २५ सयभन्दा धेरै अमेरिकी सैनिकहरूले ज्यान गुमाएका छन् । विश्वभर आतङ्कवादविरुद्ध लड्ने भन्दै अमेरिकाले अफगानिस्तानमा आफ्ना सेना पठाएको थियो । अफगानिस्तानमा अहिले २५ सय अमेरिकी सेना रहेका छन् ।

यसअघि पूर्व राष्ट्रपति डोनाल्ड ट्रम्पले पनि अफगानिस्तानमा शान्ति वार्ता गरेर आफ्ना सेना फिर्ता बोलाउने प्रयास थाल्नुभएको थियो । तर आन्दोलनरत र सरकारी पक्षको अविश्वासका कारण अफगानिस्तानको शान्ति वार्ता अघि बढ्न सकेको थिएन ।

गएको वर्ष तालिवानले हिंसा रोकेको १४ महिनाभित्र अमेरिकाले आफ्ना सबै सेनाहरू फिर्ता बोलाउने सम्झौता भएको थियो ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्