यूएईमा काम जति नि छ, खोज्ने धैर्यता आफूसँग हुनुपर्छ

वैशाख २४, २०७८ शुक्रबार १४:२९:४३ | मेरो कथा मेरो भोगाई

अर्बिन्द्र परियार/नुवाकाेट, हाल यूएई ।

हुन त भिजिट भिसामा भनेर काम गर्न विदेश जानु ठीक होइन । यस्तो गर्नु कतिपय देशमा गैरकानुनी मानिन्छ । तर यूएईले यस्तो कुरालाई मान्यता दिएको छ । यहाँ भिजिटमा आएर आफै काम खोजेर गर्न सक्छु भन्नेले त्यसाे गर्न सक्छन् । मैले पनि त्यही गरेँ ।

म यूएई आउनुभन्दा पहिले नेपालमा पनि काम गर्थेँ । कमाइ पनि ठीकै थियो । पकेट खर्च र परिवार चलाउन सकिरहेको थिएँ । तर कहिलेकाहीँ ठूलै समस्या आइपर्दा भने साहुलाई गुहार्ने अवस्था आउँथ्यो । मसँगैका साथीहरु कोही विदेशमा कमाएर नेपाल फर्किसकेका थिए भने कोही विदेशमा कमाइरहेका थिए । मलाई पनि एकपटक विदेश पुगौं न त भन्ने लाग्यो ।

अरुको देखासिकी गरेरै भए पनि विदेश जाने रहर मनमा जाग्यो । नेपालमा जति कमाए पनि वचत गर्न सकिरहेको थिइनँ । विदेश गएपछि वचत होला भन्ने लागेर पनि विदेश जाने सोचेँ । त्यसपछि म हातमा पासपोर्ट बोकेर म्यानपावर धाउन थालेँ । अफिसमा काम गर्न मनले मानिरहेको थिएन । म्यानपावर जानको लागि समय मिलिरहेको थिएन । त्यसैमाथि म्यानपावरले धेरै पैसा माग्ने । कहीँकतै केही सीप लागेन । ३/४ महिना बितिसकेको थियो । अन्त्यमा भिजिट भिसामा जाने सोच आयो । म त्यतिबेला नेपालमा 'ट्राभल इन्डस्ट्री'मा नै काम गर्थेँ । त्यही भएर पनि भिसा निकाल्न मलाई कुनै गाह्रो भएन ।

होटल बुकिङ, प्लेन टिकट, आउन-जानको लागि सबै गरेर ८० हजार रुपैयाँ खर्च गरेँ । भिसा चार्ज को लागि बाँकी एक हजार डलर एनआईसी एसिया बैंकबाट साँटे । जुन, ऋणमा नै लिएको थिएँ । त्यसपछि म सन २०१८ को फेब्रुअरीमा दुबई झरेँ ।

यहाँ मेरो एकजना मामा हुनुहुन्थ्यो । दुई रातको होटल बसाइपछि मामाकोमा बस्न आएँ । मामाले पनि मेरो जागिरको लागि आफूले चिनेका जति सबै जनालाई भन्नुभएको थियो । म आफै पनि बिहानै बासी भात खाएर जागिर खोज्न कोठाबाट निस्किन्थेँ ।

दुबई आउनुभन्दा पहिलेदेखि नै मैले यहाँको बजारको बारेमा अध्ययन गरेको थिएँ । यहाँको मान्छेहरुसँग अलि अलि कुरा गरिसकेको थिएँ । मलाई यहाँ कसरी जागिर खाेज्ने बारेमा थाेरै जानकारी पनि थियो । सोचेको थिएँ सायद अन्तर्वार्ता दिएपछि एउटा न एउटा कम्पनीले कसो नराख्ला ?

‘वाक इन इन्टरभ्यु’, भनेर लेखेका ठाउँमा पुग्थेँ । त्यहाँ गएर अन्तर्वार्ता पनि दिएँ । तर बिना अनुभव जागिर पाउनको लागि एकदम गाह्रो पर्ने रहेछ । यति हँदाहुँदै पनि मैले हार खाइनँ । बिहान फ्राई राइस र दिउँसो स्यान्डविच र लेबन अपको भरमा धेरै ठाउँमा हिँडे । राति कोठामा फर्केर भोलि कुन कुन कम्पनीको जागिर खुलेको छ हेर्थेँ अनि भोलिपल्ट त्यहीँ पुग्थेँ ।

दलालहरु जहाँ पनि हुने रहेछन् । म पनि त्यो बीचमा एकजना दलालसँग ठोकिन पुगेँ । जागिर दिलाइदिन्छुु भनेर मबाट दुई हजार दिर्हाम पनि खायो । जागिर लगाउनु त परै जाओस् त्यो मान्छे सम्पर्कविहीन भयो । धेरै कोसिस गरेँ तर पैसा उठाउन सकिन । उसको पछि नलागेर म जागिर खोज्न तिर लागेँ । तर मेरो लाखौं प्रयासका बाबजुद पनि मैले जागिर पाइनँ । अन्तिममा हार मानेँ र मनलाई सम्झाउँदै नेपाल जाने सोच बनाएँ ।

नेपाल फर्किन्छु भन्ने सोचेपछि पनि काम खोज्न भने छाडेको थिइनँ । भिसा सकिन ११ दिन मात्रै बाँकी थियो । एउटा कम्पनीले फोन गरेर अन्तर्वार्ताको लागि बोलायो । अन्तर्वार्तामा म छनौट भएँ । अन्ततः नेपाल फर्किने भनेर बसेको मैले त्यहाँ काम पाएँ । त्यही कम्पनीमा काम गर्दागर्दै अहिले दुई वर्ष पनि बितिसकेछ । समय बितेको पत्तै भएन ।

मेरो अनुभवले के भन्छ भने, यूएईमा काम जति नि छ तर धैर्यता हुनुपर्छ । काम खोज्न अल्छी गर्नुहुँदैन । काम खोज्नलाई कन्जुस्याइँ नगरेर लागिरहेमा तपाईं पक्कै पनि सफल हुनुहुनेछ । मनमा प्रतिबद्धता राख्नुहोस् । सबै ध्यान यहाँकाे बजार बुझ्नमा केन्द्रित गर्नुहोस् । ठुलठुला कम्पनीहरुमा अनलाइनबाट आफ्नो अनुभव र योग्यता पुग्ने पदमा मात्र आवेदन दिनुहोस् ।

सधैं गूगलमा गएर 'वाक इन इन्टरभ्यू' भनेर सर्च गर्नुहोस् र लोकेट गरेको ठाउँमा जानुहोस् । यातायात खर्च धेरै लाग्ने भएकोले हिँडेरै जान सकिने ठाउँमा हिँडेरै जानुस् । पैसा जोगिन्छ । भगवानमाथि भरोसा राख्नुहोस् ।

अन्तिम अपडेट: पुस २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

Durga prasad chauhan
May 11, 2021, 1:08 p.m.
I am also searching job how to find
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

यूएईमा काम जति नि छ, खोज्ने धैर्यता आफूसँग हुनुपर्छ

अर्बिन्द्र परियार/नुवाकाेट, हाल यूएई ।

1 Comments

Durga prasad chauhan

तपाईको प्रतिक्रिया

तपाईको प्रतिक्रिया