सर्टिफिकेट धितोमा १ सय ३९ जनालाई ऋण

जेठ १, २०७८ शनिबार १२:३:४४ | उज्यालो सहकर्मी

काठमाण्डौ – सहुलियत कर्जामा अहिलेसम्म झण्डै डेढ खर्ब रुपैयाँ लगानी भएको नेपाल राष्ट्र बैंकले जनाएको छ ।

देशमै उद्यमशिलता बढाउन र आत्मनिर्भरतर्फ केन्द्रित हुन भन्दै सुरु गरिएको सहुलियतपूर्ण कर्जामा चैत मसान्तसम्म ८९ हजार ८ सय ७९ वटा कर्जामार्फत १ खर्ब ४२ अर्ब दुई करोड रुपैयाँ लगानी भएको राष्ट्र बैंकले जनाएको छ ।

यसमध्ये कृषि तथा पशुपंक्षी व्यवसाय कर्जा अन्तर्गत ४२ हजार चार सय ४७ ऋणीलाई ९६ अर्ब ६० करोड रुपैयाँ ऋण लगानी गरिएको राष्ट्र बैंकले जनाएको छ । यस्तै महिला उद्यमशील कर्जाअन्तर्गत ४५ हजार एक सय २८ महिला उद्यमीलाई ४२ अर्ब १५ करोड ५७ लाख रुपैयाँ कर्जा लगानी भएको छ ।

यस्तै फागुनसम्म शिक्षित युवा स्वरोजगार कार्यक्रमअन्तर्गत शैक्षिक प्रमाणपत्र धितो राखेर एक सय ३९ जना युवाले ६ करोड पाँच लाख रुपैयाँ ऋण लिएका छन् । यस्तै वैदेशिक रोजगारीबाट फर्किएका सात सय ४४ जना युवाले ५५ करोड एक लाख रुपैयाँ सहुलियत व्याजको कर्जा लिएका राष्ट्र बैंकले जनाएको छ । यस्तै दलित समूदाय उद्यम कर्जा अन्तर्गत सात सय ९९ जनाले ४८ करोड चार लाख रुपैयाँ कर्जा प्राप्त गरेका छन् । उच्च प्राविधिक र व्यवसायीक शिक्षा अध्ययनको लागि ८६ जनाले एक करोड ९० लाख रुपैयाँ सहुलियत ऋण लिएका छन् ।

युवा स्वरोजगार कर्जा अन्तर्गत तीन जनाले १० लाख २३ हजार रुपैयाँ कर्जा लिएका छन् ।

सरकारले २०७५ सालदेखि सहुलियतपूर्ण कर्जाका लागि ब्याज अनुदान कार्यक्रम थालेको थियो । कार्यविधिअनुसार सहुलियतपूर्ण ब्याजमा विभिन्न १० प्रकारका कर्जा पाइन्छ । यसरी दिइने सहुलियतपूर्ण कर्जामा बैंक तथा वित्तीय संस्थाले आफ्नो आधार दरमा दुई प्रतिशतभन्दा बढी नहुने गरी ब्याज दर कायम गर्नुपर्ने तथा ब्याज, सूचना शुल्क, बीमा प्रिमियम र कर्जा सुरक्षण शुल्कबाहेक अरू शुल्क लिन नपाउने व्यवस्था छ ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

2 Comments

Dinesh basyal
May 17, 2021, 9:22 p.m.
मैले स्वरोजगारको पैसा बाट व्यापार लाई अगाडि बढाउन चाहान्छु त्यस को लागि के कसो गर्नु पर्ला?? वा सर्टिफिकेट 11 को छ 12 को राम्रो भएको छैन त्यसले मिल्छ कि नाई??
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्
Kishan Bahadur karki
May 15, 2021, 3:03 p.m.
म पनि विदेशवाट आएको , नेपालमा केहि गर्ने सोचमा छु / यसको लागि कसरी बैंकवाट ऋण लिन सकिन्छ , कृपया जानकारी पाउँ /
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

सर्टिफिकेट धितोमा १ सय ३९ जनालाई ऋण

2 Comments

Dinesh basyal

तपाईको प्रतिक्रिया

Kishan Bahadur karki

तपाईको प्रतिक्रिया

तपाईको प्रतिक्रिया