महामारीकाे बेला विदेशमा रहेका श्रमिकको समस्या टेलिफोनमार्फत सुन्दै एमआरसी

जेठ ७, २०७८ शुक्रबार १८:२०:५१ | उज्यालो सहकर्मी

काठमाण्डौ – कोरोना महामारीका कारण उडानहरू बन्द हुँदा तपाईँलाई समस्या परेको छ ? या वैदेशिक रोजगारी सम्बन्धी अरू कुनै प्रश्न र जिज्ञासा छन् । यदि छन् भने तपाईँले अब आफ्नै जिल्लामा रहेका आप्रवासी स्रोत केन्द्रहरूमा फोन गरेर आफ्नो समस्या, प्रश्न र जिज्ञासा राख्न सक्नुहुन्छ ।

अहिले कोरोना महामारीका कारण देशका अधिकांश जिल्लाहरूमा निषेधाज्ञा भएको छ । अत्यावश्यक बाहेक सरकारी कार्यालयहरू पनि बन्द छन् । तर यही अप्ठेरो अवस्थामा देशका विभिन्न जिल्लामा रहेका आप्रवासी स्रोत केन्द्रहरूले विदेशमा समस्यामा परेकाहरूको प्रश्न जिज्ञासा र समस्या फोनमार्फत सुन्ने र समस्या समाधानका लागि सहजीकरण गरिरहेका छन् ।

आप्रवासी स्रोत केन्द्र प्रदेश नम्बर १ मा भोजपुर, इलाम, झापा खोटाङ, मोरङ, पाँचथर, सुनसरी र उदयपुरमा सञ्चालनमा छ ।

यस्तै प्रदेश नम्बर २ मा धनुषा, बारा, पर्सा, महोत्तरी, रौतहट र सर्लाहीमा, बाग्मती प्रदेशमा चितवन, धादिङ, नुवाकोट, रामेछाप, सिन्धुलीमा, गण्डकी प्रदेशमा बागलुङ, गोरखा, स्याङ्जा, कास्की र तनहुँमा आप्रवासी स्रोत केन्द्रहरू छन् । यस्तै लुम्बिनी प्रदेशमा बाँके, दाङ, कपिलवस्तु, रुपन्देही, नवलपरासी पश्चिममा, कर्णाली प्रदेशमा सल्यान र रोल्पामा र सुदूरपश्चिम प्रदेशमा कैलालीमा रहेका छन् ।

यी जिल्लाबाट वैदेशिक रोजगारीमा जानुभएका तपाईँले आफ्नो परिवारका सदस्य या आफैँले पनि फोनमार्फत यो अप्ठेरो परिस्थितिमा पनि सहयोग माग्न सक्नुहुन्छ । आप्रवासी स्रोत केन्द्रले तपाईँको समस्या अनुसार सम्बन्धित सरोकारवाला निकायसँग समन्वय गर्नेछन् ।

हेर्नुहोस् स्रोत केन्द्रको नम्बरहरू

यस्तै स्रोत केन्द्रहरू सञ्चालनमा नभएका जिल्लाका व्यक्तिहरूले वैदेशिक रोजगार बोर्डमा रहेको श्रम कल सेन्टरमा फोन गरेर पनि आफ्नो समस्या राख्न सक्नुहुन्छ ।

कल सेन्टरमा निःशुल्क नेपाल टेलिकमका नम्बरहरूबाट ११४१ नम्बरमा अथवा १६६०००१५०००५ मा र विदेशबाट सः शुल्क ९७७ १५९७००८ नम्बरमा र भाइवरमार्फत ९७७९८०१८०००१३ नम्बरमा फोन गर्न सकिन्छ । श्रम रोजगार तथा सामाजिक सुरक्षा मन्त्रालयले महामारीको समयमा विदेशमा समस्यामा पर्ने श्रमिकको समस्या सुन्न र त्यसको समाधान गर्नका लागि छुट्टै संयन्त्र पनि बनाएको छ । जसले श्रमिकको समस्या सुन्ने र उद्धारको काम पनि गर्छ । तपाईँका समस्या भने यो संयन्त्रसम्म कल सेन्टरले नै पुर्याउने मन्त्रालयले जनाएको छ ।

अन्तिम अपडेट: पुस ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्