यस्तै छ परदेशीको जिन्दगी (कविता)

जेठ ८, २०७८ शनिबार १८:४८:३० | मेरो कथा मेरो भोगाई

यस्तै छ परदेशीको जिन्दगी

बिरामी हुँदा न आमाको काख पाइन्छ
न त समस्या पर्दा बुवाको साथ
केवल पसिना बगाएर अलिकति धन पाइन्छ ।

न पियारीको माया पाइन्छ
न हडबडाउँदा दाजुको ढाडस
न ठेस लाग्दा भाइको काँध पाइन्छ
न आँसु पुछ्ने दिदीको पछ्यौरी
न थकान बिर्साउने बहिनीको माया पाइन्छ
केवल सबैसँग टाढा भएपछि अलिकति धन पाइन्छ ।

न घ्याम्पे हान्न साथीको साथ पाइन्छ
न चौतारीमा बसी सुसेल्न अल्लारे बैँस पाइन्छ
न रोदीमा गाउन पाइन्छ
न बाजाको तालमा नाच्न पाइन्छ
केवल खुसीको सट्टा अलिकति धन पाइन्छ ।

न दशैंमा ठूलाबडाको आशिष पाइन्छ
न तिहारमा दिदीबहिनीको हातको टीका
न ककनी मेला भर्न पाइन्छ
न फागुको होली खेल्न
केवल इष्टमित्रको ठाउँमा अलिकति धन पाइन्छ ।

न योग्यता अनुसारको काम पाइन्छ
न आफ्नो देशमा जस्तो मान पाइन्छ
न भनेजस्तो गर्न पाइन्छ
न चाहेजस्तो रम्न पाइन्छ
केवल आत्मसम्मान गुमाइ अलिकति धन पाइन्छ ।

चर्को घामले पोलेको विदेशीको पीडा
अनि त्यो पीडा आफ्नाले नबुझ्दा
उदास लाग्छ जिन्दगी ।
हो यस्तै छ,
परदेशीको जिन्दगी ।।

प्रकाश गौतम, पर्वत / हाल कोरिया

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्