रोल्पामा पुनःनिर्माणका योजना अलपत्र

भदौ ९, २०७५ शनिबार ८:२३:३२ | माधवकुमार ओली

रोल्पा – रोल्पाको सुनिल स्मृति गाउँपालिका–५। साविकको गजुल गाविस भवन २०७० सालमै निर्माण हुनुपर्ने हो । तर निर्माणको जिम्मा पाएका ठेकेदार र जिल्ला प्राविधिक कार्यालयको लापर्वाहीका कारण अहिलेसम्म अलपत्र अवस्थामा छ ।

२५ लाखको यो भवन मात्र होइन, तात्कालीन शान्ति तथा पुनःनिर्माण मन्त्रालयले रोल्पामा निर्माण सुरु गरेका दर्जन बढी योजनाहरु अहिले पनि अलपत्र अवस्थामा रहेका छन । प्राविधिक कार्यालयले ताकेता नगर्दा समयमै निर्माण कार्यसम्पन्न नभएका भवनहरु यही साउन १ गतेदेखि जिल्ला प्राविधिक कार्यालय नै नरहने भएपछि अब कसले निर्माण गर्ने भन्ने अन्योलता देखिएको छ ।

दश वर्षे सशस्त्र द्वन्द्वको समयमा तात्कालीन विद्रोही पक्षबाट भत्काइएका साविकका गाविस भवन र स्वाथ्य चौकीका भवनहरु शान्ति प्रक्रियापछि निर्माण कार्य सुरु गरिएको थियो ।

जिल्ला प्राविधिक कार्यालयले जिल्लाका दर्जन बढी अलपत्र भवनका सबै फाइलहरु सम्बन्धित गाउँपालिकालाई बुझाएको भए पनि गाउँपालिकाले तत्कालै ती भवनहरु निर्माण गर्न सक्ने अवस्था नभएपछि वडा कार्यालयहरु मर्कामा परेका छन् ।

वडा कार्यालयको भवन अभावका कारण अलपत्र भवनबाटै कार्यालय सञ्चालन गर्नुपर्ने बाध्यता रहेको सुनिल स्मृति गाउँपालिका–५ गजुलका वडाध्यक्ष अर्जुन सुवेदीले गुनासो गर्नुभयो ।

अन्तिम अपडेट: मंसिर १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

माधवकुमार ओली

रोल्पाका पत्रकार माधवकुमार ओली उज्यालोका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्