उपत्यकामा निषेधाज्ञा : अन्तर्राष्ट्रिय उडानमार्फत आवतजावत गर्ने यात्रु यसरी पुग्न सक्छन् गन्तव्यमा

जेठ १९, २०७८ बुधबार १६:४६:३६ | उज्यालो सहकर्मी

काठमाण्डौ – निषेधाज्ञाको समयमा पनि अन्तर्राष्ट्रिय उडानमार्फत विदेश आवतजावत गर्नेहरूलाई जानेहरूलाई सिधै विमानस्थल जान पाइने भएको छ ।

हवाई टिकट, पासपोर्ट र भिसा हुनेहरूलाई सिधै विमानस्थल जाने सवारी साधनको सहजीकरण गर्ने जिल्ला प्रशासन कार्यालय काठमाण्डौले जनाएको छ ।

काठमाण्डौ उपत्यकामा जेठ ३१ गतेसम्म निषेधाज्ञा लम्बिएको छ । काठमाण्डौ उपत्यकामा लगाइएको निषेधाज्ञा जेठ मसान्तसम्म लम्ब्याइएको छ । आज बसेको काठमाण्डौ उपत्यकाको तीन जिल्लाका प्रमुख जिल्ला अधिकारीको बैठकले निषेधाज्ञा १० दिन थपेर जेठ मसान्तसम्म बढाउने निर्णय गरेको हो ।

यस पटक थपिएको निषेधाज्ञामा प्रावधानहरू केही खुकुलो बनाइएको छ । यसअघि थपिएको निषेधाज्ञामा खाद्यान्नका पसलसमेत सञ्चालन गर्न रोक लगाइएकोमा यस पटकको निषेधाज्ञामा खाद्यान्न पसल पनि खोल्न पाइने भएको छ।

विदेशबाट हवाई उडानमार्फत नेपाल आएका यात्रुहरूलाई क्वरेण्टीनका लागि होटेलसम्म लैजाने र १० दिनको होटेल क्वरेण्टीन पूरा गरेका यात्रुलाई घरसम्म जानका लागि लागि सीसीएमसीले नै सहजीकरण गर्नेछ । खाडीका ६ देश र मलेसियाबाट आउने यात्रुले अनिवार्य रूपमा पाँच दिन होटेल क्वरेण्टीनमा बस्नुपर्छ ।

कोरोना सङ्क्रमण रोकथामका लागि बन्द गरिएको अन्तर्राष्ट्रिय उडान केही सहज भएसँगै संस्कृति पर्यटन तथा नागरिक उड्डयन मन्त्रालयले जारी गरेको नयाँ मापदण्ड अनुसार पाँच दिन अनिवार्य होटेल क्वरेण्टीनमा बस्नुपर्ने भएको हो ।

नयाँ मापदण्डमा खाडीका देश र मलेसियामा श्रम गरी स्वदेश फर्कने नेपालीले पाँच दिन होटेल क्वरेण्टीनमा बसी पीसीआर परीक्षण नेगेटिभ आएपछि थप १० दिन होम क्वरेण्टीनमा बस्ने गरी सम्बन्धित गन्तव्यमा जान अनुमति दिइने व्यवस्था गरिएको छ ।

मंगलबारदेखि सरकारले नेपाली श्रमिकको खाडीको मुख्य श्रम गन्तव्य कतारसहित तीन देशबाट नियमित उडान खोलेको छ । मलेसियासहित अरू खाडीका देशमा भने अझैँ नै उडानमा प्रतिबन्ध नै लगाइएको छ ।

अन्तिम अपडेट: पुस ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्