खनाल–नेपाल समूहका १७ जनसङ्गठनकाे घोषणा : ‘पुरानै संरचनामा नफर्किए पार्टी विसर्जन हुन सक्छ’

जेठ २०, २०७८ बिहीबार १७:४२:४४ | उज्यालो सहकर्मी

काठमाण्डौ – नेकपा एमालेको खनाल–नेपाल समूह पक्षधर १७ जनसङ्गठनले सबै संरचना २०७५ को जेठ २ को अवस्थामा नफर्किए पार्टी विसर्जन हुन सक्ने घोषणा गरेका छन् । संयुक्त विज्ञप्ति निकालेर जनवर्गीय सङ्गठनका प्रतिनिधिले अध्यक्ष केपी शर्मा ओली पार्टीलाई पुरानै अवस्थामा फर्काउन सहमत नभए नयाँ ढङ्गले पुनर्गठन गरेर अघि बढ्ने घोषणा गरेका हुन् ।

आफूहरू अहिले पनि एकताबद्ध एमालेकै पक्षमा रहेको भन्दै उनीहरूले अध्यक्ष ओलीले अवैधानिक काम गर्दै आएको र ती सबै खारेज योग्य रहेको दाबी गरेका छन् । प्रधानमन्त्री ओलीको असंवैधानिक, अलोकतान्त्रिक र प्रतिगामी कदमले लामो सङ्घर्ष र बलिदानबाट स्थापित सङ्घीय लोकतान्त्रिक व्यवस्था र संविधान गुम्ने खतरा देखिएकाे समेत उनीहरूले विज्ञप्तिमार्फत बताएका छन् ।

यस्तै उनीहरूले पार्टी विधान विपरीतका एकपछि अर्को गरिएका स्वेच्छाचारी निर्णयले नेकपा (एमाले) र कम्युनिस्ट आन्दोलन सङ्कटमा परेको बताएका छन् । संविधान, पार्टी विधान र पद्धतिविरुद्ध गरिएका सम्पूर्ण निर्णय सच्याएर सुदृढ र एकताबद्ध नेकपा एमाले निर्माणका लागि आग्रह गर्दै उनीहरूले माग पूरा नभए नयाँ शिराबाट अघि बढ्ने चेतावनी दिएका हुन् ।

किसान महासङ्घका अध्यक्ष बलराम बाँस्कोटा, महिला सङ्घकी अध्यक्ष जयन्ती राई, अनेरास्ववियुका अध्यक्ष सुदेश पराजुली, युवा सङ्घका नरेश शाही, प्रेस चौतारीका विश्वमणि सुवेदीलगायत १७ जनवर्गीय सङ्गठनका प्रतिनिधिले संयुक्त विज्ञप्तिमार्फत यस्तो अपिल गरेका हुन् ।

अन्तिम अपडेट: माघ १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्