कुवेत : दिउँसोको गर्मीमा श्रमिकलाई काममा लगाउने ६६ रोजगारदाता विरुद्ध उजुरी

जेठ २४, २०७८ सोमबार १२:४१:३३ | उज्यालो सहकर्मी

काठमाण्डौ – कुवेतमा दिउँसोको समयमा श्रमिकलाई काममा लगाउने ६६ रोजगारदाता विरुद्ध उजुरी दर्ता भएका छन् । दिउँसोको समयका श्रमिकलाई काममा नलगाउने कुवेत सरकारको निर्देशन विपरीत काममा लगाएको भन्दै ६६ रोजगारदाता विरुद्ध उजुरी दायर गरिएको गल्फ न्युजले जनाएको छ ।

दिउँसोको चर्को घाममा काम गर्दा श्रमिकको स्वास्थ्यलाई असर पर्ने भन्दै मानव अधिकारकर्मीले विरोध जनाउँदै आएका थिए । सरकारले नियम लागू गरे पनि केही व्यवसायीले भने सरकारको निर्देशन उल्लंघन गरेको अधिकारकर्मीले बताएका छन् ।

अत्याधिक तापक्रमबाट श्रमिकलाई बचाउन भन्दै गएको जुन १ देखि कुवेतले दिउँसोको समयमा सिधै घाम पर्ने खुल्ला ठाउँहरूमा काम गर्न रोक लगाएको थियो । यो नियम सडक सरसफाइ कर्मचारी, निर्माण क्षेत्रमा काम गर्ने श्रमिक र मोटरसाइकलमा डेलिभरीको काम गर्नेहरुमा लागू हुने निर्देशनमा उल्लेख छ ।

कुवेतमा गर्मी अत्याधिक हुने जुन, जुलाइ र अगस्ट महिनाभर यो नियम लागू हुनेछ । यो अवधिमा बिहान ११ बजेदेखि दिउँसो ४ बजेसम्म खुल्ला ठाउँमा काम गर्न रोक छ ।

अन्तिम अपडेट: पुस ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्