भारतमा दुई महिनापछि दैनिक कोरोना सङ्क्रमण हुनेकाे सङ्ख्या एक लाखभन्दा तल

जेठ २५, २०७८ मंगलबार १०:२७:१७ | उज्यालो सहकर्मी

काठमाण्डाै - भारतमा दुई महिनापछि दैनिक कोरोना सङ्क्रमण पुष्टि हुनेको सङ्ख्या एक लाखभन्दा तल झरेको छ । गएको अप्रिल ६ तारिखमा ९६ हजार नौ सय ८२ जनामा कोरोना पुष्टि भएकोमा त्यसयता दैनिक एक लाखभन्दा धेरैमा कोरोना सङ्क्रमण पुष्टि भइरहेको थियो ।

६३ दिनपछि पछिल्लो २४ घण्टामा ८६ हजार चार सय ९८ जनामा सङ्क्रमण पुष्टि भएको भारतको स्वास्थ्य मन्त्रालयले जनाएको छ । यस्तै भारतमा पछिल्लो २४ घण्टामा दुई हजार एक सय २३ जना सङ्क्रमितको ज्यान गएको छ । यस्तै २४ घण्टामा एक लाख ८२ हजार दुईसय ८२ जना सङ्क्रमणमुक्त भएका छन् ।

दैनिक चार लाखभन्दा धेरैमा सङ्क्रमण पुष्टिसँगै अस्पतालमा बेड, अक्सिजन लगायतको अभाव भइरहेको भारतमा केही दिनदेखि अवस्था सामान्य बन्दै गएको छ । भारतमा अहिलेसम्म दुई करोड ८९ लाख ९६ हजार नौ सय जनाभन्दा धेरैमा सङ्क्रमण पुष्टि भइसकेको छ ।

सङ्क्रमितमध्ये दुई करोड ७३ लाख ४१ हजारभन्दा धेरै निको भइसकेका छन् । भारतमा कोरोना सङ्क्रमणबाट तीन लाख ५१ हजार ३ सय ४४ जनाले ज्यान गुमाएका छन् । भारतले अहिलेसम्म २३ करोड ६१ लाख जनाभन्दा धेरैलाई कोरोना खोप लगाइसकेको छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्