महामारी दोहोरिन नदिन आफ्नो स्रोतको प्रयोग गर्ने जी–सेभेन नेताहरुको प्रतिबद्धता

जेठ २९, २०७८ शनिबार ११:४९:३० | उज्यालो सहकर्मी

काठमाण्डाै - विकसित देशका नेताहरुले आउँदो दिनमा आउन सक्ने महामारीलाई रोक्न आफ्ना सबै स्रोतको प्रयोग गर्ने प्रतिबद्धता व्यक्त गरेका छन् । बेलायतमा भइरहेको जी–सेभेनको सम्मेलनमा उनीहरुले कोरोना महामारी जस्ता अरु महामारी दोहोरिन नदिन आफ्ना सबै स्रोत र शक्ति प्रयोग गर्न प्रतिबद्धता व्यक्त गरेका बीबीसीले जनाएको छ ।

सम्मेलनको दोस्रो दिन उनीहरुले यस सम्बन्धमा एउटा घोषणापत्र जारी गर्ने बताइएको छ । कुनै नयाँ रोग देखिएमा एक सय दिनभित्र खोप विकास गर्ने खालको संयन्त्र विकास गरी क्षतिलाई रोक्न क्षमता विकास गर्ने उनीहरुले बताएका छन् । दोस्रो दिनको सम्मेलनमा बेलायती प्रधानमन्त्री बोरिस जोन्सनले कोरोना विश्व्यापी असमानतालाई रोक्न खुलेर सहयोग गर्न जी–सेभेनका नेताहरुलाई आग्रह गर्नुभएको बीबीसीले जनाएको छ ।

उहाँले कोरोना भाइरसको महामारीका कारण प्रभावित भएको अर्थतन्त्रसहितका क्षेत्रलाई थप बलियो बनाएर विकास गर्न विश्वका नेताहरुसँग अपिल पनि गर्नुभएको छ । उहाँले सन् २००८ को आर्थिक मन्दीमा भएको गल्तीबाट पाठ सिकेर असमानता अन्त्यका लागि प्रयास गर्नु पर्ने बताउनुभएको छ ।

तीन दिने सम्मेलनमा अमेरिकी राष्ट्रपति जो बाइडेनसहित फ्रान्स, जर्मनी, इटली, जापान र क्यानडा तथा युरोपियन युनियनका नेता सहभागी भएका छन् ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्