कपिलवस्तु : माओवादी केन्द्रका नेता पाण्डे हत्या प्रकरणमा श्रीमतीसहित १० जना पक्राउ

जेठ ३१, २०७८ सोमबार १६:५९:२ | गोपाल भण्डारी

कपिलवस्तु – नेकपा माओवादी केन्द्रका नेता दीपक पाण्डेको हत्यामा संलग्न रहेको आरोपमा प्रहरीले १० जनालाई पक्राउ गरी कारबाही प्रक्रियाअघि बढाएको छ ।

नेता पाण्डेको हत्यामा उहाँकै श्रीमतीको मुख्य भूमिका रहेको प्रहरी उपरीक्षक (एसपी) नवराज अधिकारीले बताउनुभयो । उहाँकी पत्नी महिमा पाण्डेले गएको दुई तीन वर्षदेखि पति दीपक पाण्डेको हत्या गर्ने योजना बनाएको प्रहरीले जनाएको छ । मृतक पाण्डेकी पत्नीसँग अनैतिक सम्बन्ध भएका कपिलवस्तु नगरपालिका १ का ३९ वर्षीय ओमप्रकाश यादवसहित १० जनाको समूहको संलग्नतामा हत्या भएको प्रहरीले आज पत्रकार सम्मेलनमार्फत जानकारी गराएको छ ।

नेता पाण्डेलाई पत्नी महिमा पाण्डे र ओमप्रकाश यादवको योजनामा कपिलवस्तु नगरपालिका २ का रमजान साह र शाकिर अलीपखियाको संलग्नतामा हत्या गरिएको प्रहरी उपरीक्षक अधिकारीले बताउनुभयो ।

यस्तै हत्याराहरूलाई हतियार उपलब्ध गराउने, संरक्षण गर्ने र हतियार ओसारपोसार गर्ने कार्यमा थप सात जना रहेका छन् । प्रहरीका अनुसार कपिलवस्तु नगरपालिका १ कैलाश टोलका ३५ वर्षीय पूर्णवीर पाल्पाली, कपिलवस्तु २ बर्दहवाका सद्दाम हुसेन खान, यशोधरा गाउँपालिका ४ पोखरभेटवाका ज्ञानेन्द्रकुमार पाण्डेय, यशोधरा ४ सेमरीका राधेश्याम चौधरी, कपिलवस्तु ५ गोटिहवाका श्रीराम कुर्मी, कपिलवस्तु १ मस्जिद टोलका नसरत अली र कपिलवस्तु २ बरगदवाका प्रवीण गुप्ता रहेका छन् । उनीहरुले दीपकको हत्या गर्नका लागि रकम लिने, बरामद हतियार खरिद बिक्री, ओसारपोसार गर्ने, सहयोग गर्ने र अभियुक्तलाई संरक्षण दिएको प्रहरी उपरीक्षक अधिकारीले जानकारी दिनुभयो ।

गएको जेठ ५ गते कपिलवस्तु ६ गोवरी सडकमा निग्लिहवाबाट घर आउँदै गर्दा बेलुका ११ बजे नेता पाण्डेमाथि गोली प्रहार भएको थियो । गोली प्रहारबाट घाइते हुनुभएका नेता पाण्डेको भैरहवाको मेडिकल कलेजमा उपचार भएको र थप उपचारका लागि हेलिकप्टरमा काठमाण्डौ लैजाँदै गर्दा ज्यान गएको थियो ।

त्यस घटनाको अनुसन्धानका लागि प्रहरी नायब उपरीक्षक धर्मराज भण्डारीको कमान्डको टोलीले एक महिना नबित्दै घटनामा संलग्न दशै जनालाई पक्राउ गरी मुद्दा प्रक्रिया अघि बढेको छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोपाल भण्डारी

गोपाल भण्डारी कपिलवस्तुका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्