जिल्ला अस्पताल पाँचथरको ओपीडी सेवा डेढ महिनादेखि बन्द, बिरामी मर्कामा

असार ९, २०७८ बुधबार १२:४७:१ | उपेन्द्र येक्तेन

पाँचथर – जिल्ला अस्पताल पाँचथरको ओपीडी सेवा डेढ महिनादेखि बन्द हुँदा बिरामी मारमा परेका छन् ।

यो अस्पतालमा पाँचथरसहित छिमेकी जिल्ला ताप्लेजुङ र तेह्रथुमको आठराई गाउँपालिकाका बिरामी समेत उपचारका लागि पुग्ने गरेका थिए । तर, डेढ महिनादेखि अस्पतालको ओपीडी नखुल्दा बिरामीहरु समस्यामा परेका छन् । निषेधाज्ञालाई खुकुलो बनाउँदै बजार, पसलहरु खुल्न थाले पनि अस्पतालको ओपीडी सेवा भने सुरु भएको छैन ।

बिरामीले ओपीडी सेवा खुलाउन माग गर्दै आएका छन् । तर, अस्पतालका सूचना अधिकारी नारायण जोशीले कोरोना भाइरसको संक्रमणका कारण ओपीडी सेवा बन्द गरेको बताउनु भएको छ । अन्य बिरामी भन्दा कोरानाका बिरामीलाई प्राथमिकतामा राखेर उपचार गर्नुपर्ने भएकाले ओपीडी सेवा बन्द गरिएको जोशीको भनाइ छ । स्वास्थ्य तथा जनसंख्या मन्त्रालय, स्वास्थ्य आपतकालीन तथा विपद व्यवस्थापन इकाईको पत्रका आधारमा ओपीडी सेवा बन्द गरिएको र फेरि सुरु गर्नकाे लागि व्यवस्थापन इकाईकाे पत्र आउनुपर्ने उहाँले बताउनुभयो ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उपेन्द्र येक्तेन

पाँचथरका उज्यालो सहकर्मी उपेन्द्र येक्तेन इगल एफएममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्