दक्षिण कोरिया श्रमिक पठाउन तयारी, ५ हजार डलरको कोरोना बिमा

असार २५, २०७८ शुक्रबार १४:५६:१८ | उज्यालो सहकर्मी

काठमाण्डौ – सरकारले रोजगार अनुमति प्रणाली (इपीएस) अन्तर्गत दक्षिण कोरिया जाने श्रमिकको कोरोना बिमा गरेर पठाउने भएको छ ।

नेपाली श्रमिकहरू कोरिया पुगेको १४ दिनसम्मको लागि ५ हजार डलर अर्थात् यो समाचार तयार पार्दाको विनिमय दर अनुसार झण्डै ६ लाख रुपैयाँ बराबरको कोरोना बिमा गरेर पठाउने वैदेशिक रोजगार विभाग इपीएस कोरिया शाखाले जनाएको छ ।

श्रमिकको कोरोना बिमाको लागि सेवा प्रदान गर्न इच्छुक बिमा कम्पनीलाई सुचीकृतका लागि विभागले शाखाले आह्वान पनि गरेको छ । इपीएस प्रणाली अन्तर्गत भाषा परीक्षा पास गरेर लामो समयदेखि हजारौँ नेपालीहरू कोरिया उड्ने प्रतीक्षामा छन् ।

पछिल्लो समय दक्षिण कोरियाले विभिन्न सर्तसहित नेपाली श्रमिकले लिन सहमत भएको वैदेशिक रोजगार विभागका महानिर्देशक कृष्णप्रसाद दवाडीले बताउनुभयो । नेपालबाट कोरिया सिधा उडान हुनुपर्ने, क्वरेण्टीनमा बस्नु पर्ने र रोजगारीका लागि जाने श्रमिकका लागि बिमा हुनु पर्ने लगायतका सर्त कोरियाले राखेको छ । जसअनुसार कोरोना बीमाका लागि आह्वान गरिएको महानिर्देशक दवाडीले बताउनुभयो ।

‘श्रमिक पठाउनका लागि हामी तयारी अवस्थामा बस्नेछौँ, कोरियाले पठाउ भनेपछि हामी पठाउनेछौँ,’ महानिर्देशक दवाडीले भन्नुभयो,‘उसको कति डिमाण्ड पठाउँछ, त्यस अनुसार नै श्रमिक पठाउने हो ।’

यदि नेपालबाट गएका श्रमिकलाई कोरियामा १४ दिन भित्रमा कोरोना देखिएका उपचार खर्च कोरोना बिमाले समेट्ने छ ।

अन्तिम अपडेट: पुस ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्