ट्रम्पले भने – उत्तर कोरियासँगको वार्ता तोकिएकै समयमा हुन्छ

जेठ १९, २०७५ शनिबार ७:१९:२८ | उज्यालो सहकर्मी

जेठ १९ – उत्तर कोरियाका नेता किम जोङ उन र अमेरिकी राष्ट्रपति डोनाल्ड ट्रम्पबीचको वार्ता जुन १२ मा हुने भएको छ ।

यसअघि अमेरिकाले उत्तर कोरियासँगको वार्ता रद्द गरेको जनाएको थियो । उत्तर कोरियाले कटुतापूर्ण सम्बन्ध देखाएको भन्दै अमेरिकाले वार्ता रद्द गरेको थियो । अमेरिका पुगेको उत्तर कोरियाको टोलीसँग अमेरिकी राष्टपति डोनाल्ड ट्रम्पले वार्ता तोकिएकै समयमा हुने बताएका हुन् ।

उत्तर कोरियाका बरिष्ठ अधिकारी किम योङ चोलसँगको भेटवार्तामा ट्रम्पले उत्तर कोरियासँगको वार्ता जुन १२ मा सिंगापुरमा हुने बताएका हुन । भेटमा ट्रम्पले दुई कोरियाबीचको युद्धको औपचारीक अन्त्यबारे पनि सिंहापुरमा कुरा हुने बताएका छन् ।

उनले दुई कोरियाबीचको युद्ध सकिए पनि शान्तिवार्ता अझै बाँकी रहेको बताएका हुन । ट्रम्पले उत्तर कोरियाको आणविक हतियारको अन्त्य एकै वार्ताबाट नहुने बताएका छन् । यसअघि उत्तर कोरियाले आफूले पूर्णरुपमा आणविक कार्यक्रमको अन्त्य गर्नुपर्ने अमेरिकाको भनाई एकपक्षिय भएको भन्दै असन्तुष्टि जनाएको थियो ।

ट्रम्पले उत्तर कोरियाको आणविक कार्यक्रम विस्तारै हटाउँदै जानुपर्ने प्रतिक्रिया दिएका छन् । भेटमा ट्रम्पले अमेरिकाले उत्तर कोरियाको अर्थतन्त्र सुधार गर्न सहयोग गर्ने बताएका छन तर उनले उत्तर कोरियाले सबै आणविक कार्यक्रम रद्द गर्नुपर्ने शर्त राखेका छन् ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्