बाबुराम भट्टराईले भने : ओलीको प्रस्तुति सम्मानजक, सैनिक अभ्यासमा जोड चाहिँ पचेन

भदौ १४, २०७५ बिहीबार २०:१:३३ | उज्यालो सहकर्मी

काठमाडौं – पूर्व प्रधानमन्त्री तथा नयाँ शक्ति पार्टी नेपालका संयोजक डाक्टर बाबुराम भट्टराईले बिमस्टेक सम्मेलनमा संयुक्त सैन्य अभ्यामा जोड दिएको आफूलाई मन नपरेको बताउनुभएको छ ।

पूर्व प्रधानमन्त्रीको रुपमा बिमस्टेकको अवलोकन गरे पनि भट्टराईले ट्वीटमार्फत सम्मेलनको सुरुवात राम्रै रहेको तर बिमस्टेकका सदस्य देशले सैन्य अभ्यासमा जोड दिएको मन नपरेको बताउनुभएको हो ।

BIBSTECशिखरबैठकको सुरूवात राम्रै रह्यो!हाम्रा प्रमको प्रस्तुती सम्मानजनक रह्यो! मोदीजीले दर्जनभन्दा बढी कार्यक्रम घोषणा गरेर भारतको प्राथमिकताको राम्रै संकेत गर्नुभो!शेख हसिनाले बंगलादेशको विकास नीतिवारे लोभलाग्दो जानकारी दिनुभो! अरूको पनि ठीकै रह्यो।सैनिकअभ्यासमा जोड चाहिं पचेन! pic.twitter.com/eO4FKUQfqi
— Baburam Bhattarai (@brb1954) 30 August 2018

उहाँले प्रधानमन्त्री केपी शर्मा ओलकिो प्रस्तुति सम्मानजक रहेको पनि उल्लेख गर्नुभएको छ । भट्टराईले भारतीय प्रधानमन्त्री नरेन्द्र मोदीले दर्जनभन्दा बढी कार्यक्रम घोषणा गरेर भारतको प्राथमिकताको राम्रै संकेत गरेको पनि बताउनुभएको छ । बंगलादेशकी प्रधानमन्त्री शेख हसिनाले विकास नीतिबारे लोभलाग्दो जानकारी दिएको र अरुको प्रस्तुति पनि ठिकै रहेको जनाउनुभएको छ ।

बिमस्टेकको सदस्य देशका सैनिकहरुले अर्को महिना संयुक्त रुपमा भारतमा सैन्य अभ्यास गर्दैछन् ।

अन्तिम अपडेट: माघ ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्