नेपाल र भारतको सम्बन्ध कुनै कुराले पनि तोड्न सक्दैन : भारतीय प्रम मोदी

भदौ १५, २०७५ शुक्रबार १८:१४:४५ | उज्यालो सहकर्मी

काठमाडौं – नेपालका प्रधानमन्त्री केपी शर्मा ओली र भारतीय प्रधानमन्त्री नरेन्द्र मोदीले पाशुपत क्षेत्रमा निर्माण गरिएको नेपाल–भारत मैत्री धर्मशालाको संयुक्त रुपमा उद्घाटन गर्नुभएको छ ।

उद्घाटनका क्रममा प्रधानमन्त्री ओलीले नेपाल र भारतको सम्बन्ध धार्मिक तथा सांस्कृतिक रुपमा रहेको बताउनुभयो । त्यस्तै ओलीले भारतीय प्रधानमन्त्री नरेन्द्र मोदीले निरन्तर नेपालका सांस्कृतिक सम्पदाहरुको भ्रमण गरेर दुई देशबीचको सम्बन्ध मजबुत बनाउने काम गरेको बताउनुभयो ।

उद्घाटनका कार्यक्रममा आफ्नो मन्तव्यका क्रममा नेपाल र भारतलाई भगवान शिवले जोडेको बताउँदै यो सम्बन्ध अनन्तकालसम्म रहने बताउनुभयो । उहाँले नेपाल र भारतबीच विशेष सम्बन्ध रहेको बताउँदै यसलाई समय र दूरीले तोड्न नसक्ने बताउनुभयो ।

साथै भारतीय प्रधानमन्त्री मोदीले नेपालले विश्वलाई भगवान गौतम बुद्ध दिएको बताउँदै बुद्धकै प्रेरणाले विश्वसमुदायलाई शान्तिको पथमा हिँडेको बताउनुभयो । त्यस्तै भारतीय प्रधानमन्त्री माेदीले नेपाल र प्रधानमन्त्री ओलीले दिवंगत भारतीय प्रधानमन्त्री अटल बिहारी वाजपेयीको कविता अनुवाद गरेर जीवन्त रुपमा श्रद्धाञ्जली अर्पण गरेको बताउँदै धन्यवाद ज्ञापन गर्नुभयो ।

२ वर्षअघि निर्माण कार्य सुरु गरिएको धर्मशाला उद्घाटन गर्न पाउँदा आफूलाई निक्कै खुसी लागेको भन्दै उहाँले पशुपत क्षेत्रको विश्वमा थप प्रचार भएको बताउनुभयो । पर्यटकीय क्षेत्र पशुपति क्षेत्रमा धर्मशाला निर्माण भएसँगै विश्वभरबाट पर्यटक आउनेको संख्या बढ्ने र आफ्नो भ्रमणले पर्यटक क्षेत्रमा अन्तर्राष्ट्रिय सन्देश प्रवाह गर्ने उहाँको विश्वास छ ।

काठमाडौं हिन्दू र बौद्ध धर्मको उद्गमस्थल रहेको भन्दै उहाँले नेपाललाई आवश्यक परेको खण्डमा जुनसुकै अवस्थामा पनि सहयोग गर्नेे बताउनुभयो । उहाँले शर्मशाला उद्घाटनपछि पशुपति मन्दिरको दर्शन गर्नुभएको छ । धर्मशालामा पुस्तकालय, सयन कक्ष लगायत सुविधा उपलब्ध छन् ।

अन्तिम अपडेट: माघ ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्