ओखलढुङ्गामा जीप दुर्घटना : एकै गाउँका चार जनाको ज्यान गयाे, शाेकमा डुब्याे गाउँ

कात्तिक २९, २०७८ सोमबार १४:१०:२० | शिव ढुंगाना

ओखलढुङ्गा – ओखलढुङ्गाको चम्पादेवी गाउँपालिकामा रहेकाे ककनी मन्दिर दर्शनका लागि गएका चार जनाकाे जीप दुर्घटनामा ज्यान गएको छ ।

ककनी मन्दिर जाँदै गरेकाे प्रदेश ३–०१–०२२ च ९६९४ नम्बरको जीप सुनकोसी गाउँपालिका ९ को जौबारी नजिकैको कुसाङ भन्ने ठाउँमा सडकबाट झन्डै ६ सय मिटर तल खसेर दुर्घटना भएको प्रहरीले जनाएको छ ।

दुर्घटनामा ज्यान गुमाउनेमा सबै सिद्धिचरण नगरपालिका १० काे रुप्सेका रहेका छन् । दुर्घटनामा १७ वर्षीया तुलसा मगर, ३५ वर्षीया मिठूमाया मगर, ३५ वर्षीया शान्ता मगर र उमेर नखुलेका खगेन्द्र मगर रहेका छन् ।

जिल्ला प्रहरी कार्यालयका प्रहरी नायब उपरीक्षक (डीएसपी) गोविन्द काफ्लेका अनुसार तीन जनाको घटनास्थलमा र एक जनाको उद्धार गरेर उपचारका लागि अस्पताल लैजाने क्रममा बाटैमा ज्यान गएको हो ।

यस्तै दुर्घटनामा गम्भीर घाइते भएका चार जनालाई हेलिकप्टरबाट काठमाण्डौ पठाइएको र अन्य नाै जनाको स्थानीय स्वास्थ्य संस्थामा उपचार भइरहेको प्रहरीले जनाएकाे छ ।

मन्दिर दर्शनका लागि गएका एकै गाउँका चार जनाको ज्यान गएपछि गाउँ नै शोकमा डुबेको छ । गाउँका यति धेरै मान्छे दुर्घटनामा परेकाले आफन्त र छरछिमेक सबै शोकमा डुबेका सिद्धिचरण १० का वडाध्यक्ष दामोदर धमलाले बताउनुभयो ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शिव ढुंगाना

शिव ढुंगाना ओखलढुंगाका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

ओखलढुङ्गामा जीप दुर्घटना : एकै गाउँका चार जनाको ज्यान गयाे, शाेकमा डुब्याे गाउँ

प्रतिकात्मक तस्बिर

तपाईको प्रतिक्रिया