सुरक्षाका नाममा वकिलमाथि लाठी प्रहार गर्नु न्याय मार्नु सरह : वरिष्ठ अधिवक्ता ज्ञवाली

मंसिर ७, २०७८ मंगलबार १५:४२:३० | उज्यालो सहकर्मी

काठमाण्डाै – वरिष्ठ अधिवक्ता चन्द्रकान्त ज्ञवालीले अदालत परिसरभित्र न्याय परिषद्का सदस्यमाथि लाठी प्रहार गर्नु न्यायपालिकाको न्याय मर्नु रहेको बताउनुभयो ।

आज मङ्गलवार प्रधानन्यायाधीश चाेलेन्द्रशम्शेर जबराविरुद्ध विरोध प्रदर्शन गरिरहेको नेपाल बार एसोसिएशनले सर्वोच्च अदालतमा परिसरमा आयोजना गरेकाे कोणसभालाई सम्बोधन
गर्दै वरिष्ठ अधिवक्ता ज्ञवालीले यस्ताे बताउनुभएकाे हाे ।

उहाँले एउटा वकिलले आफ्नो अभिव्यक्ति र विचार राख्न पाउने स्वतन्त्र अधिकार रहेको बताउँदै सुरक्षाका नाममा लाठी प्रहार गर्नु न्याय मार्नु सरह भएको बताउनुभयो ।

वरिष्ठ अधिवक्ता ज्ञवालीले भन्नुभयो, ‘संसारमा मैले अध्ययन गर्दा दुई सय १९ राष्ट्रको न्यायपालिका के रहेछ भन्दा न्यायपालिकाको ढोकाभित्र आएर प्रहरीले हस्तक्षेप गर्ने कुरा निरङ्कुश शासकको ठाउँमा पनि हुँदो रहेनछ, त्यसैले जहाँ वकिल उभिन्छ, कालोकोट उभिन्छ त्यहाँ रक्षा कवच जस्टिसको लयरले गर्छ, सुरक्षाका नाममा अदालत परिसरभित्र न्याय परिषद् सदस्यमाथि लाठी प्रहार गरिन्छ भने त्यो न्यायमाथिको न्याय मार्नु हो, न्याय अन्त्य हुनु हो । त्यस कारण अब आइन्दा यो परिसरभित्र कुनै पनि हालतमा गृह प्रशासनले एउटा पनि प्रहरी हस्तक्षेप गर्नु हुँदैन, एउटा वकिललाई उसको अभिव्यक्ति वा विचारलाई रोक्न प्रयास गरिन्छ भने त्यो न्यायमाथिको बन्देज हुन्छ, न्याय मर्ने हुन्छ ।’
वरिष्ठ अधिवक्ता ज्ञवालीले नेपाल बारलाई पर्सि बिहीवारदेखि कालोपट्टी बाँधेर एक घण्टा नबोली धर्ना दिने कार्यक्रम राख्न आग्रह गरेको पनि बताउनुभयो ।

यसैबीच नेपाल बार एसाेसिएशनले सर्वोच्च अदालतदेखि बालुवाटारसम्म मार्चपास गर्ने भएको छ । बारले पर्सि बिहीवार दिउँसो २ बजे सर्वोच्च अदालतदेखि बालुवाटारसम्म मार्चपास गर्ने जनाएको हो ।

अन्तिम अपडेट: पुस २५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्