'मेरो जिन्दगीको टुङ्गो छैन, नेता कार्यकर्तालाई देख्दा ढुक्क लाग्छ’- ओली

मंसिर ११, २०७८ शनिबार १९:१९:९ | उज्यालो सहकर्मी

काठमाण्डाै - नेकपा एमालेका अध्यक्ष केपी शर्मा ओलीले आफ्नो जिन्दगीको कुनै टुङ्गो नभएको भन्दै पार्टी भित्रका नेता कार्यकर्ता देख्दा ढुक्क लाग्ने बताउनुभएको छ ।

एमालेको १० औँ महाधिवेशन अन्तर्गत जारी बन्द सत्रमा ओलीले भन्नुभयो ‘यसै पनि मानिसको जिन्दगीको टुङ्गो हुँदैन । म त झन् धेरैपटक मरेर बाँचेको हुँ । धेरैपटक अपरेशन गरेको शरीर हो । त्यसैले कति बाँच्छु थाहा छैन । तर मलाई मिठो निद्रा लाग्छ, खाना रुच्छ, जब तपाईँहरूलाई अगाडि देख्छु । तपाईँहरुको हातमा देशको भविष्य सुरक्षित देख्छु । आन्दोलनको भविष्य सुरक्षित देख्छु । समृद्धिको यात्रा सुरक्षित देख्छु, त्यसैले ढुक्क भएर सुत्न सक्छु ।’

ओलीले आफ्नो पार्टीका कार्यकर्ताको हातमा लोकतन्त्रको भविष्य सुरक्षित रहेको दाबी पनि गर्नुभयो।

साहसी कार्यकर्ताहरुको अगुवाइ गर्ने अध्यक्ष हुन पाएकोमा आफूलाई गर्व लाग्ने गरेको भन्दै ओलीले नेता कार्यकर्ताको साथकै कारण पार्टी बलियो भएको बताउनुभयो । आफूहरुलाई पार्टीबाट लखेटेर धुलोमा पछारेको एक वर्ष पनि नभइ देशको सबैभन्दा ठूलो र निर्णायक पार्टी बनाएको दाबी गर्दै ओलीले यो सबै पार्टीका नेता कार्यकर्ताकै कारण भएको बताउनुभयो ।

अन्तिम अपडेट: पुस २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्