संसद्को गतिरोध र सर्वोच्चमा देखिएको समस्या समाधान गर्न पहल गर्छु : सभामुख सापकोटा

मंसिर १६, २०७८ बिहीबार १०:३६:५० | उज्यालो सहकर्मी

काठमाण्डाै - सभामुख अग्निप्रसाद सापकोटाले संसद्को गतिरोध र सर्वोच्च अदालतमा देखिएको समस्या समाधानका लागि उपाय खोज्ने बताउनु भएको छ ।

स्पेनबाट आज बिहान स्वदेश फर्किएका सभामुख सापकोटाले त्रिभुवन अन्तर्राष्ट्रिय विमानस्थलमा आयोजित पत्रकार सम्मेलनमा संसद्को गतिरोध र सर्वोच्च अदालतमा देखिएको समस्या कसरी समाधान गर्ने भन्नेबारे आफूले पहल गर्ने बताउनु भएको हो ।

यस्तै, उहाँले पछिल्लो समय राजनीतिक पार्टीप्रति नागरिकको विश्वास गुम्दै गएकाले अब पार्टीहरुले आफ्नो कार्य सुधार गर्दै लैजानु पर्ने बताउनुभयो । अन्तर व्यवस्थापिका सङ्घ आईपीयूको १४३ औँ सम्मेलनमा सहभागी हुन सभामुख सापकोटासहितको प्रतिनिधिमण्डल गएको ८ गते स्पेनको म्याड्रिड गएको थियो ।

सम्मेलनलाई सभामुख सापकोटाले गएको आइतवार सम्बोधन गर्नुभएको थियो । सम्मेलनका क्रममा आफूले संविधान निर्माण, समावेशी, समानुपातिक प्रतिनिधित्वलगायत लोकतन्त्रका उपलब्धिलाई सविस्तार अन्तर्राष्ट्रिय समुदायको माझ राखेको उहाँले बताउनुभयो ।

सभामुख नेतृत्वको नेपाली प्रतिनिधिमण्डलमा प्रतिनिधि सभा सदस्य देव गुरुङ, लक्ष्मीकुमारी चौधरी तथा राष्ट्रिय सभा सदस्य प्रमिला कुमारी र अगमप्रसाद बान्तावा राई, सङ्घीय संसद्का महासचिव डा भरतराज गौतम, सचिव गोपालनाथ योगीलगायत सहभागी हुनुहुन्थ्यो ।

अन्तिम अपडेट: पुस २५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्