राप्रपाको महाधिवेशन : प्रतिनिधिको विवाद टुङ्गियो, चुनावी प्रक्रिया सुरु हुँदै

मंसिर १७, २०७८ शुक्रबार ७:१६:४३ | उज्यालो सहकर्मी

काठमाण्डाै - प्रतिनिधिको विवाद टुङ्गिएपछि राष्ट्रिय प्रजातन्त्र पार्टी (राप्रपा)को महाधिवेशनमा चुनावी प्रक्रिया अघि बढेको छ ।

जिल्लाले पठाएको भन्दा फरक व्यक्तिको नाम प्रतिनिधिमा समावेश गरिएको भन्दै विरोध भएपछि छानबिन समिति गठन गरेर विवाद टुङ्ग्याइएको हो । निर्वाचन अधिकृत राजु बस्नेतकाअनुसार प्रतिनिधि विवाद टुङ्ग्याउन सचिवालय प्रमुख ध्रुवबहादुर प्रधान, तोरण गुरुङ, जनक प्याकुरेल, श्याम शाही, पुस्कर कार्की, श्यामशरण पाठकसहितको टोली बनाइएको थियो ।

टोलीले टुङ्ग्याएको नामलाई केन्द्रीय निर्वाचन समितिले हिजो बेलुका सार्वजनिक गरेको छ  । मतदाता नामावलीमाथिको दाबी विरोध अहिले बिहान साढे सात बजेदेखि सुरु हुने पनि उहाँले बताउनुभयो । उहाँकाअनुसार अन्तिम नामावली प्रकाशन गरेर बिहान साढे ११ देखि साढे १ बजेसम्म उम्मेदवारी दिन सकिने व्यवस्था गरिएको छ ।

अब आज उम्मेवारीको अन्तिम नामावली सार्वजनिक गरेर भोलि मात्रै चुनाव हुनेछ । अध्यक्षबाहेक ४ उपाध्यक्ष, ३ महामन्त्री र १ सय ४१ जना केन्द्रीय सदस्य चयनका लागि विद्युतीय मेसिनबाट मतदान हुने पनि निर्वाचन अधिकृत राजु बस्नेतले बताउनुभयो ।

यसअघि पूर्वानिर्धारित तालिकाअनुसार अस्ति बुधवार मतदाता नामावली प्रकाशन, हिजो बिहीवार उम्मेदवारको मनोनयन दर्ता र आज शुक्रवार मतदान हुने मिति तोकिएको थियो । राप्रपाको अध्यक्षमा कमल थापा र राजेन्द्र लिङ्देन प्रतिस्पर्धामा छन् ।

अन्तिम अपडेट: पुस २५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्