आउँदो चुनाव ‘मोदी भर्सेस भारत’ हुन्छ : येचुरी

भदौ २३, २०७५ शनिबार ६:२७:३७ | एजेन्सी

भारतीय कम्युनिष्ट पार्टी (मार्क्सवादी) का महासचिव सीताराम येचुरीले आउँदो लोकसभा चुनावमा प्रधानमन्त्री नरेन्द्र मोदीविरुद्ध विपक्षी दलको उम्मेदवार को भन्ने विमर्श नै अनुचित भएको बताएका छन् ।

भारतीय जनता पार्टीबाट प्रधानमन्त्री मोदीलाई नै निरन्तरता दिने तयारी भएका बेला येचुरीले विपक्षीबाट उम्मेदवार को बन्छ भन्ने कुराले फरक नपार्ने बताउँदै आउँदो चुनाव ‘मोदी भर्सेस भारत’ हुने बताएका छन् । शुक्रबार कांग्रेस नेता कपिल सिब्बलको पुस्तक ‘शेड्स अफ् ट्रुथ’ को विमोचन कार्यक्रममा येचुरीले आउँदो चुनाव वर्तमान सरकारलाई हटाउनका लागि हुने बताए । उनले भने, ‘आउँदो चुनाव यो सरकारलाई हटाउनका लागि हुनेछ । यो चुनाव नेताहरुबीच हुनेछैन । यो चुनाव मोदीविरुद्ध भारत हुनेछ ।’

त्यस्तै लोकतान्त्रिक जनता दलका नेता शरद यादवले यसभन्दा पहिले पनि बिना नेता नै विपक्षी गठबन्धनले चुनावमा सफलता हासिल गरेको बताए । उनले भने, ‘१९७७ मा मोरारजी देसाईलाई चुनावपछि प्रधानमन्त्री चुनिएको थियो । १९८९ मा भीपी स्रिह र १९९० मा एचडी देवेगौडालाई पनि चुनावपछि नै विपक्षी गठबन्धनले प्रधानमन्त्रीका रुपमा चुनेका थिए ।’

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्