साउदीमा कम्पनी परिवर्तन गर्न अहिले सजिलो छ

मंसिर २३, २०७८ बिहीबार १६:०:२४ | मेरो कथा मेरो भोगाई

रमेश सुवेदी / बाग्लुङ, हाल साउदी ।

साउदीले अघिल्लो वर्षको मार्चदेखि कफला प्रणालीमा सुधार ल्याएसँगै त्यहाँ रहेका आप्रवासी श्रमिकहरुले आफू कार्यरत कम्पनी मन नपरेमा सजिलै परिवर्तन गर्न सक्ने व्यवस्था लागू भइसकेको छ । तर अझै पनि यहाँ कार्यरत नेपाली दाजुभाइहरु कम्पनी परिवर्तन गर्न नसकेको भनेर गुनासो गर्नुहुन्छ । यस्तोमा उहाँहरुले अलिकति प्रक्रिया बुझ्नुपर्ने हुन्छ ।

कुनै पनि नेपाली दाजुभाइहरुले उनीहरुको करार अवधि पूरा गरिसकेपछि कम्पनी परिवर्तन गर्न चाहेको अवस्थामा त्यसो गर्न सकिन्छ । साउदीको भाषामा यसलाई तनाजुल लिने भनिन्छ ।

कम्पनीले उचित पारिश्रमिक नदिने, नयाँ कन्ट्र्याक्ट लेटर नदिने गरेमा कम्पनी परिवर्तन गर्न सकिन्छ । यदि यसबारे बुझ्नुभएको छैन भने कम्पनीको हेडअफिसमा एचआरसँग तथा डिभिजन हेडसँग बुझ्न सकिन्छ । र कम्पनी परिवर्तन गरेर श्रमको उचित मूल्य लिन सक्नुहुन्छ । त्यसको लागि आफैले कम्पनी खोज्नुपर्छ । कम्पनीको विश्वसनीयता बुझ्नुपर्छ । आफ्नो साथीभाइ तथा चिनेजानेको मान्छे कोही कुनै कम्पनीमा हुनुहुन्छ र उहाँहरुले चित्तबुझ्दो पारिश्रमिक पाउनुभएको छ भने त्यो कम्पनीमा जान सकिन्छ । त्यसको लागि केही प्रक्रिया हुन्छ, त्यो सबै आफू काम गरिरहेको कम्पनीले नै गरेर दिन्छ । कम्पनीले नै उचित समयमा अर्को कम्पनीमा तनाजुल गरेर दिने जिम्मा हुन्छ । कुुनै पनि कम्पनीले करार अवधि पूरा भइसकेपछि कुनै पनि देशको नागरिकलाई त्यही कम्पनीमा काम गरिराख्न दबाब दिन पाउँदैन । मेरो साथीहरुले पनि यो सुविधा अन्तर्गत कम्पनी परिवर्तन गरेर अहिले राम्रो कम्पनीमा काम गरिरहनुभएको छ ।

याे पनि पढ्नुहाेस्

साउदीले गर्‍याे कफला प्रणालीमा सुधार, अझै पनि छन् यस्ता सर्तहरू

अन्तिम अपडेट: मंसिर २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्