यसपालिको ‘किम्फ’ वातावरण र जलवायु परिवर्तनको मुद्दामा केन्द्रित

मंसिर २४, २०७८ शुक्रबार ८:२५:३४ | उज्यालो सहकर्मी

काठमाण्डौ - काठमाण्डौ इन्टरनेशनल माउन्टेन फिल्म फेस्टिभल (किम्फ)को १९औँ संस्करण वातावरण र जलवायु परिवर्तनको मुद्दामा केन्द्रित छ ।

हिजोदेखि काठमाण्डौमा सुरु भएको किम्फ ‘जलवायु कर्म’ को मुख्य विषयमा आधारित रहेको आयोजक हिमाल एसोसिएशनले जनाएको छ । आउँदो २७ गतेसम्म चल्ने किम्फमा प्रतियोगितात्मकसहित विभिन्न ६३ वटा चलचित्र प्रदर्शन गरिनेछ ।

महोत्सव अन्तरगत नेपाल पानारोमामा १३ वटा फिल्म समावेश गरिएको छ भने अन्तर्राष्ट्रिय प्रतिस्पर्धामा ४० वटा चलचित्र समावेश छ । महोत्सवमा समावेश चलचित्रले जलवायु परिवर्तन र यसबाट मानव जीवनमा परेको असर तथा हिमाली जनजीवनमा परेको असरका विषयमा घच्घच्याउन सहयोग पुग्ने आयोजकको दाबी छ ।

यसपालि प्रत्यक्ष रुपमा र अनलाइन समेतबाट महोत्सवमा समावेश चलचित्र हेर्न सकिने छ ।

हिजो अमेरिकी चलचित्रकर्मी काइल रुडिकद्वारा निर्देशित चलचित्र 'ड्रिम माउन्टेन' प्रदर्शन गर्दै किम्फको उद्घाटन गरिएको हो । अन्तर्राष्ट्रिय प्रतिस्पर्धातर्फको विजेताले दुई लाख, दोस्रोले एक लाख ५० हजार र तेस्रोले एक लाख रुपैयाँ पुरस्कार पाउनेछन् ।

नेपाली पानारोमा अन्तर्गतको उत्कृष्ट वृत्तचित्रका लागि ७५ हजार र उत्कृष्ट फिक्सनका लागि एक लाख रुपैयाँ पुरस्कार दिइने छ । एक हजार डलरको उत्कृष्ट माउन्टेन फिल्म अवार्ड पनि वितरण गरिने आयोजकले जनाएको छ

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

यसपालिको ‘किम्फ’ वातावरण र जलवायु परिवर्तनको मुद्दामा केन्द्रित

फाइल तस्बिर

तपाईको प्रतिक्रिया