खोपको पूरा मात्रा लगाएका यात्रुलाई कुवेतले हटायो अनिवार्य पीसीआर र क्वरेण्टीनको नियम

फागुन ३, २०७८ मंगलबार १३:४४:३ | उज्यालो सहकर्मी

काठमाण्डौ – कुवेतले कोरोनाको दुवै मात्रा खोप लगाएका यात्रुका लागि अनिवार्य पीसीआर परीक्षण र क्वारेण्टीनको नियम हटाउने भएको छ ।

यही फागुन ८ अर्थात् फेब्रुअरी २० देखि लागू हुने गरी कुवेतले कोरोना विरुद्धको खोपको पूरा मात्रा लगाएका यात्रुले प्रस्थान पूर्व र कुवेत पुगिसकेपछि गर्नु पर्ने अनिवार्य पीसीआर परीक्षण र क्वारेण्टीनको नियम हटाएको हिजो बसेको मन्त्री परिषद् बैठकको निर्णयलाई उद्धृत गर्दै स्थानीय सञ्चार माध्यम कुवेत टाइम्सले खबर लेखेको छ ।

यस्तै कुवेतले खोप नलगाएका यात्रुलाई पनि कुवेत प्रवेशको अनुमति दिने निर्णय गरेको छ । तर साथमा कोरोनाको पीसीआर परीक्षण नेगेटिभ भएको ७२ घण्टा भित्रको पीसीआर रिपोर्ट हुनुपर्छ भने सात दिन क्वरेण्टीनमा बस्नपर्छ । कोरोनाको खोपको एक मात्रा लगाएका यात्रुको भने पीसीआर रिपोर्ट साथमा नभए पनि हुन्छ तर सात दिन क्वरेण्टीन बस्नपर्छ । क्वरेण्टीनमा बस्दा पीसीआर परीक्षण गर्नपर्छ ।

कुवेत सरकारले महामारी रोकथामका लागि लगाइएका विभिन्न नियमहरू हटाउँदै सामान्यतर्फ अघि बढ्दै गएको उल्लेख गरेको छ ।

आउँदो मार्च १३ देखि सार्वजनिक बसमा पूर्ण क्षमतामा यात्रु राखेर सार्वजनिक सवारी चल्न पाउने र कार्यालय पनि पूर्ण क्षमतामा कर्मचारीका साथ सञ्चालन हुने निर्णय पनि कुवेतले गरिसकेको छ ।

अन्तिम अपडेट: पुस ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्