कतार र मलेसियापछि ओमानबाट पनि विद्युतीय राहदानी जारी

फागुन ४, २०७८ बुधबार १०:२३:३८ | उज्यालो सहकर्मी

काठमाण्डौ – कतार र मलेसियापछि अब ओमानमा रहेको नेपाली दूतावासबाट पनि विद्युतीय राहदानी प्रदान गर्न थालिएको छ ।

मंगलबार दूतावासबाट विद्युतीय राहदानीको लाइभ इनरोलमेन्ट परीक्षण सफल भएको र मंगलबारबाट नै विद्युतीय राहदानीको सेवा प्रदान गर्न थालिएको ओमानमा रहेको नेपाली दूतावासले एक विज्ञप्ति जारी गर्दै जानकारी दिएको छ ।

मंगलबार परीक्षणको रूपमा अमित गिरीको विद्युतीय राहदानीका लागि लाइभ इनरोलमेन्ट गरिएको र उहाँको राहदानी प्रिन्टसमेत भएको दूतावासले जनाएको छ । दूतावासले हिजो पहिलो दिन राहदानी नवीकरणका लागि आएका ७ जनाको विद्युतीय राहदानीका लागि लाइभ इनरोलमेन्ट गरेको पनि जानकारी दिएको छ ।

ओमानमा रहेका नेपालीले विद्युतीय राहदानीका लागि आफ्नो पुरानो राहदानीको सक्कल, नागरिकताको प्रतिलिपि र २० ओमानी रियाल राजस्व तिर्नपर्छ । विद्युतीय राहदानी नवीकरणका लागि दूतावासमा व्यक्ति आफैँ उपस्थित हुनपर्छ ।

राहदानी बनाउन आवश्यक फोटो लगायत अन्य बायोमेट्रिक विवरणहरू दूतावासले लाइभ लिनेछ । अहिले दूतावास मस्कटले नै सेवाग्राहीको राहदानी फारम भरिइदिइरहेको छ । आवश्यक प्रक्रियाबारे थप जानकारी दिने दूतावासले जनाएको छ ।

नाबालकको हकमा भने जिल्ला वा इलाका प्रशासन कार्यालयबाट जारी नाबालक परिचयपत्र तथा राहदानी हराएकाहरूको हकमा ओमानी प्रहरी जारी गरेको राहदानी हराएको प्रमाणपत्र आवश्यक पर्छ ।

यस अघि कतार र मलेसियामा रहेको नेपाली दूतावासबाट पनि विद्युतीय राहदानी जारी हुन थालिसकेको छ ।

अन्तिम अपडेट: पुस ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्