झण्डै दुई वर्षपछि मलेसिया रोजगारीको माग पत्र प्रमाणीकरण सुरु

फागुन ४, २०७८ बुधबार १०:५१:५५ | उज्यालो सहकर्मी

काठमाण्डौ – मलेसियास्थित नेपाली दूतावासले नेपाली कामदारको माग पत्र प्रमाणीकरण गर्न थालेको छ ।

कोरोना महामारीको कारण झण्डै दुई वर्षअघिदेखि बन्द रहेको मलेसिया रोजगारीको लागि माग पत्र प्रमाणीकरण मंगलबारदेखि सुरु भएको हो ।

मलेसिया सरकारले कोरोना सङ्क्रमण रोकथामका लागि सन् २०२० को मार्चदेखि नै आवागमन नियन्त्रण आदेश जारी गरेपछि दूतावासले पनि नयाँ माग पत्र प्रमाणीकरणको काम स्थगन गरेको थियो । तर मलेसियाले विभिन्न मापदण्डसहित जनवरी २८ तारिखदेखि विदेशी श्रमिकको भर्ना प्रक्रिया सुरु गरेपछि दूतावासले पनि कामदार माग पत्र प्रमाणीकरणको काम सुरु गरेको हो ।

नयाँ माग पत्र प्रमाणीकरणको लागि मंगलबार, बुधबार र बिहिबार पेस गर्न सकिने र प्रमाणीकरण भएको माग पत्र सोमबार लिन सकिने दूतावासले जनाएको छ ।

तर दूतावासमा माग पत्र प्रमाणीकरणको लागि आवश्यक कागजातहरू पेस गर्नुभन्दा अघि दूतावासको वेबसाइटमा गई त्यहाँ उपलब्ध अनलाइन फारम भरेर समय लिन पर्छ ।

माग पत्र प्रमाणीकरणका लागि स्थानीय समय अनुसार दिउँसो २ बजेदेखि ४ बजेर ३० मिनेटसम्ममा दूतावासमा सम्पर्क गर्न सकिन्छ ।

अन्तिम अपडेट: पुस ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्