दुई हजार दरका नोट चलाउन नेपाललाई भारतको आग्रह, पहिलेका नोट साट्न नेपालको सर्त

 फागुन १४, २०७८ शनिबार १८:४१:४८ | उज्यालो सहकर्मी
unn.prixa.net

काठमाण्डाै – भारतले नेपाललाई भारतीय दुई हजार दरका नोट चलन चल्तीमा ल्याउन आग्रह गरेको छ । परराष्ट्र मन्त्रालयमार्फत भारतले दुई हजार दरका नोट चल्तीमा ल्याउन पटक पटक आग्रह गरिरहेको नेपाल राष्ट्र बैंकले जनाएको छ ।

नेपाल आउनेहरुलाई समस्या परिरहेको भन्दै भारतले आग्रह गरिरहेको हो । ‘भारतबाट नेपाल आउने पर्यटकले सयका नोट बोकेर आउँदा निकै झण्झट भइरहेको र परिमाण पनि धेरै हुने भएकाले बोक्न समस्या परिरहेको भन्दै दुई हजार रुपैयाँका नोट चलाइदिन पर्यो भनेर भारतले आग्रह गरिरहेको छ’, नेपाल राष्ट्रबैंकका एकजना कार्यकारी निर्देशकले भने । तर नेपालले भने यहाँ रहेका पुराना एक हजार र पाँच सय दरका नोट सटही नगरेसम्म दुई हजार दरका नोट चलनमा ल्याउन नसकिने सर्त राखेको छ ।

नेपालमा बैंकहरुसँग भएका सात करोड रुपैयाँ बराबरका भारतीय पाँच सय र एक हजार दरका नोट साटेपछि मात्रै दुई हजार दरका नोट चलाउनेबारे निर्णय गर्न सकिने जवाफ दिएको राष्ट्र बैंकका कार्यकारी निर्देशकको भनाइ छ । व्यक्तिहरुसँग भएका भारतीय पाँच सय र एक हजार दरका नोट कति छन् भन्ने औपचारिक जानकारी नभए पनि बैंकहरुसँग भएका सात करोड रुपैयाँ बराबरका नोट साट्न नेपालले पटक पटक आग्रह गरेको तर भारतले नमानेको राष्ट्र बैंकले जनाएको छ ।

भारतले कालो धन नियन्त्रणको लागि भन्दै २०७३ सालमा एक हजार र पाँच सय दरका नोटमा प्रतिबन्ध लगाएर दुई हजार दरका नोट निष्कासन गरेको छ । भारतले प्रतिबन्ध लगाएपछि नेपाल सरकारले पनि भारतीय पाँच सय र एक हजार दरका नोटमा प्रतिबन्ध लगाएको छ ।

अन्तिम अपडेट: मंसिर १०, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

6 Comments

  • राम खडका

    May 8, 2023, 9:50 a.m.

    नोट नसाटे भारतमा उत्पादित कुनै पनि बस्तु नभित्राउने चेतावनी देउन नेपाल सरकार!

  •  0 Reply

  • Da LoneA®

    May 6, 2023, 9:07 a.m.

    भारतिय १/२ हजारका नोट चलाउन ७ करोड साटिने बाहानामा राम्रो आम्दानी हुने भयो भनेर कुनै न कुनै नेताको नेत्र बल्ने भयो अब । यही लालचमा देशको ईमान बेच्न कुनै एक भ्रष्ट पदाधिकारी तयार भएर बसिराको नहोलान् भन्न सकिन्न ।

  •  0 Reply

  • गोकर्ण विष्ट

    April 26, 2023, 6:44 a.m.

    नेपाल र नेपालीको एती सम्म को आँट लाई मान्नुपर्छ। सधैं नेपालले नै झुकेर भएननी अब भारतको पालो । झन नेपालको राजनीतिमा युवाहरूको प्रवेशले भारतलाई झन् समस्या हुने अवस्था पनि आउन सक्छ भारतलाई ।

  •  0 Reply

  • नवीन पुन मगर

    April 18, 2023, 8:03 a.m.

    कुरो छ करोड भारु सटहिको होईन, यदि भारु नेपालमा चल्ने नियम आउछ भने नेरु पनि भारतमा चल्नु पर्छ । ६ करोडमा नबिकोस नेपाल राष्ट्र बैंक ।

  •  0 Reply

  • ठिक कुरा गर्यो बैंकले।

    Jan. 29, 2023, 1:11 p.m.

    भारतको मन्मानिमा चल्नुपर्छ भन्ने केही छैन ।

  •  0 Reply

  • hari bahadur bhandari

    Oct. 3, 2022, 10:16 a.m.

    बैंकले कुरा राम्रो उठाएको हो /

  •  0 Reply

तपाईको प्रतिक्रिया

समाचार

लोकप्रिय

१

कांग्रेसकाे केन्द्रीय कोषाध्यक्षमा उमेश श्रेष्ठ मनोनीत

२

एमालेले काठमाण्डौ महानगरको जरीवाना पत्र बुझ्न मानेन, मेयर शाहले स्टन्टबाजी गरेको आरोप

३

उपचुनावमा सेना परिचालन गर्न राष्ट्रपतिकाे स्वीकृति

४

भन्सार महसुल घटेसँगै सुनकाे भाउ एकैदिन तोलामा १५ हजार नौ सय रुपैयाँले घट्यो

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई