वृषेशचन्द्र लाल तमलाेपाकाे अध्यक्षमा चयन

फागुन १५, २०७८ आइतबार १९:२१:३३ | उज्यालो सहकर्मी

धनुषा – तराई मधेश लोकतान्त्रिक पार्टी (तमलोपा) को अध्यक्षमा वृषेशचन्द्र लाल चयन हुनुभएको छ । जनकपुरमा सम्पन्न तमलोपाको विशेष केन्द्रीय भेलाले आज आइतवार लाललाई अध्यक्ष चयन गरेको हो ।

भेलामा निवर्तमान अध्यक्ष रविशंकर लाल कर्णले लाललाई अध्यक्षको जिम्मेवारी दिने प्रस्ताव गर्नुभएकोमा उहाँको प्रस्तावलाई भेलाले सर्वसम्मत रूपमा पारित गरेको हो ।

यस्तै विजयकुमार सिंह वरिष्ठ नेता चयन हुनुभएको छ । तमलोपाको ५६ सदस्यीय केन्द्रीय कार्यसमिति पनि गठन गरिएको छ । पदाधिकारी पछि चयन गरिने तमलोपाले जनाएको छ ।

तमलोपाले संसदमा विचाराधीन नागरिकतासम्बन्धी विधेयक अगाडि बढाउन आग्रह गरेको छ । मधेश आन्दोलनमा सहभागी भएकै कारणबाट चलाइएका सबै मुद्दाको खारेजी र कारागारमा रहेका व्यक्तिलाई तत्काल रिहा गर्न पनि भेलाले माग गरेको छ ।

अन्तिम अपडेट: पुस २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्