वैदेशिक रोजगारीमा जाने श्रमिकलाई ई –स्टिकर साथैमा बोक्न विभागको अनुरोध

फागुन २५, २०७८ बुधबार १३:४६:२४ | उज्यालो सहकर्मी

काठमाण्डौ – श्रम स्वीकृति लिएर वैदेशिक रोजगारीमा जाने श्रमिकलाई एसएमएस वा इमेलमार्फत प्राप्त क्युआर कोडसहितको ई –स्टिकर साथैमा बोक्न वैदेशिक रोजगार विभागले अनुरोध गरेको छ ।

प्राप्त ई स्टिकर मोबाइलमा डाउनलोड गरेर वा त्यसलाई प्रिन्ट गरेर साथैमा राख्न र विमानस्थलमा श्रम डेस्कमा मोबाइलमा भएमा मोबाइलमार्फत नै पेस गर्न विभागले सूचना जारी गरेको हो ।

यस्तै, त्रिभुवन अन्तर्राष्ट्रिय विमानस्थलस्थित वैदेशिक रोजगार विभागको श्रम डेस्कबाट अब वैदेशिक रोजगारीमा जाने श्रमिकको ई स्टिकरमा यस अघिजस्तो छाप नलगाइने भएको छ ।

आज बुधारबारदेखि लागू हुने गरी श्रमिकले पेस गरेको ई स्टिकरको प्रतिमा छाप लगाउन नपर्ने नियम ल्याएको विभागले जनाएको छ ।

पछिल्लो समय श्रमिकले अनलाइनबाटै श्रम स्वीकृति लिन मिल्ने र स्टिकर पनि इमेल वा मोबाइलमा एसएमएसमार्फत प्राप्त हुन्छ । यसरी प्राप्त ई –स्टिकर सिधै रोजगारीमा जाने दिन विमानस्थलमा श्रम डेस्कमा देखाए पुग्छ ।

अन्तिम अपडेट: पुस ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

Yam kumar moktan tamang
March 9, 2022, 3:11 p.m.
म साउदीबाट छुट्टिमा आएको हो।अब म जाने बेला भयो ।मैले के के रिपोट देखाउन आबश्यक पर्छ।मेरो श्रम पहिला नै भएको छ ।बाकी सात महिना छ ।के के चाहिन्छ त हजुर?
1 Reply

उज्यालो
March 10, 2022, 3:49 p.m.
तपाईँसँग ७ महिना श्रम अवधि छ भने अहिले साउदी फर्कँदा श्रम गर्न पर्दैन । तपाईँले साउदी गएपछि नै अनलाइनमार्फत श्रम स्वीकृति लिन सक्नुहुन्छ । तर यदि तपाईँको बायोमेट्रिक अर्थात् औँठा छाप या आँखा स्क्यान यसअघि श्रम लिँदा गरेको छैन भने चाहिँ एक पटक श्रम कार्यालय काठमाण्डौमा सम्पर्क गर्नुहोस् । तपाईँले श्रम गर्दा स्टिकर यसअघि इमेल वा मोबाइल नम्बरमा आएको छ भने त्यो प्रिन्ट गरेर साथमा बोक्नुहोस् । विमानस्थलमा पहिलेजस्तो स्टिकरमा छाप लगाउन पर्ने झन्झट अहिले हटेको छ अब श्रमिकले वैदेशिक रोजगारीमा जाँदा श्रम डेस्क नगइ जुनसुकै गेटबाट पनि विमानस्थलमा प्रवेश पाउनेछन् । यस्तै साउदी सरकारले साउदी प्रवेश गर्ने यात्रुले पीसीआर परीक्षण गर्न नपर्ने र त्यहाँ पुगेपछि क्वरेण्टीन पनि बस्न नपर्ने नियम लागू गरेको छ । तर कहिलेकाहीँ एयरलाइन्सले तपाईँलाई पीसीआर रिपोर्ट बिना उडान भर्न नदिन पनि सक्छ । त्यसैले तपाईँले प्रस्थान पूर्व आफ्नो टिकट भएको एयरलाइन्स कम्पनीमा फोन गरेर बुझ्नुहोस् । थप जानकारीका लागि श्रम मन्त्रालयको श्रम कल सेन्टरमा ११४१ नम्बरमा सम्पर्क गर्नुहोस् । धन्यवाद

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

वैदेशिक रोजगारीमा जाने श्रमिकलाई ई –स्टिकर साथैमा बोक्न विभागको अनुरोध

1 Comments

Yam kumar moktan tamang

उज्यालो

तपाईको प्रतिक्रिया

तपाईको प्रतिक्रिया