गर्भवती श्रीमतीका अगाडि श्रीमानको विभत्स हत्या

भदौ ३१, २०७५ आइतबार ११:१३:२९ | उज्यालो सहकर्मी

भारतको तेलंगाना प्रदेशको नालगोंडा जिल्लाको एक अस्पतालबाहिर २४ वर्षीय पेरुमाल्ला प्रणयको उनकै गर्भवती श्रीमती अमृताको अगाडि हत्या भएको छ ।

अस्पतालमा श्रीमतीको स्वास्थ्य जँचाउन डाक्टरलाई भेटेर उनीहरु बाहिर निस्कँदै थिए । त्यत्तिकैमा पछाडिबाट एक व्यक्तिले धारिलो हतियारले प्रणयको गर्दन छिनाइदिए ।

प्रणयको घटनास्थलमै मृत्यु भयो ।

प्रणय र अमृताले यसै वर्षको जनवरी ३१ मा प्रेम विवाह गरेका थिए । यो विवाहबाट दुवै जनाका परिवार सन्तुष्ट थिएनन् । तर प्रणयको परिवारले भने केही समयपछि दुवैको विवाहलाई स्वीकारेको थियो । अमृताको परिवार भने विवाहबाट खुसी थिएनन् ।

प्रहरीका अनुसार प्रणयको हत्यापछाडि अमृताको परिवारको हात हुन सक्ने आशंका रहेको छ ।
जिल्लाका एसपी रंगनाथले बीबीसी तेलुगूसँग कुरा गर्दै भनेका छन्, ‘हामीहरु यसलाई अनर किलिङ मानेर अनुसन्धान गरिरहेका छौँ ।’

अमृताकै बुवामाथि आशंका

प्रणय दलित समुदायका हुन् भने अमृता वैश्य । अमृताका बुवा रियल स्टेट व्यवसायी हुन् । प्रहरीले हत्याको पछाडि अमृताकै बुवाको हात हुन सक्ने भन्दै अनुसन्धान सुरु गरेको छ ।

प्रहरीले अमृताका बुवा मारुति रावलाई अभियुक्त १ र भाइ श्रवणलाई अभियुक्त मानेर अनुसन्धान सुरु गरेको छ ।

प्रणय १० कक्षामा थिए, अमृता ९ कक्षामा थिइन् जब उनीहरुको दोस्ती सुरु भएको थियो । दुवै जनाले बीटेक गरे । जब दुवैले आ–आफ्नो परिवारलाई विवाहको योजना सुनाए । अमृताका बुवा मारुतिले आफूले त्यस्तो विवाह नमान्ने बताए ।

मारुतिले छोरी फिर्ता गर्ने प्रयास गरिरहे

परिवारले नमानेपछि प्रणय र अमृताले हैदराबाद गएर आर्य समाज विधिबाट विवाह गरे । त्यसपछि दुवै फर्केर प्रणयको घरमा बस्न थाले ।

विवाहपछि मारुतिले छोरीलाई फिर्ता बोलाउन कैयौँ प्रयास गरे तर अमृता मानिनन् । प्रणयका बुवा बाला स्वामीले बीबीसीसँग कुरा गर्दै विवाहको २ महिनापछि बाट नै प्रणयको हत्याको षड्यन्त्र रचिएको बताए । यसबीचमा अमृता गर्भवती पनि भइन् । शुक्रबार प्रणय र उनकी आमा अमृतालाई लिएर मिरयालगुडामा रहेको एक निजी अस्पतालमा चेक गराउन गएका थिए ।

सीसीटीभीमा कैद छ पूरा घटना

उनीहरु दिउँसो १२ बजे अस्पतालभित्र गएका थिए । उनीहरु जँचाएर साढे एक बजे बाहिर निस्के । एक व्यक्तिले उनीहरुलाई पछ्याइरहेको थियो । केही पर पुगेपछि त्यो व्यक्तिले पछाडिबाट प्रणयको गर्दनमा धारिलो हतियारले हान्यो । प्रणयको त्यहीँ ज्यान गयो ।

हत्यारा त्यहाँबाट भाग्न सफल भए पनि सीसीटीभीको सहयोगले उसको पहिचान भएको प्रहरीले जनाएको छ । तर उसको गिरफ्तारी भने भैसकेको छैन ।

प्रहरीका अनुसार विवाह भएको केही दिनपछि प्रणय र अमृताले सुरक्षा मागेका थिए । प्रहरीले अमृताका बुवा मारुतिलाई बोलायो । मारुतिले आफूले केही नगर्ने बताए । घटना त्यत्तिकैमा सेलायो । प्रहरीका अनुसार यो हत्यामा भाडाका हत्यारा प्रयोग भएको हुनसक्छ ।

‘मैले सहर छोड्न भनेको थिएँ’

प्रणयका बुवा भन्छन्, ‘मारुति राव करोडपति छन्, उनी पैसाको बलमा जे पनि गर्न सक्छन् । त्यसैले मैले छोराबुहारीलाई सहरबाट टाढा गएर बस्न भनेँ । तर मेरी बुहारी मानिनन् । उनले बुवालाई मनाउँछु भनिन् ।’

उनी भन्छन्, ‘अमृता र उनको बुवाआमाको कुराकानी पनि चलिरहेको थियो । हामीलाई लाग्यो उनीहरु परिवर्तित भए । तर उनीहरुले मेरो छोराको हत्या गरे ।’

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

Umesh
Sept. 16, 2018, 5:30 p.m.
दु:खलाग्दो घटना हो यो , दोषीलाई कारवाही गरियोस् जसरी पनि /
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

गर्भवती श्रीमतीका अगाडि श्रीमानको विभत्स हत्या

अमृताकै बुवामाथि आशंका

मारुतिले छोरी फिर्ता गर्ने प्रयास गरिरहे

सीसीटीभीमा कैद छ पूरा घटना

‘मैले सहर छोड्न भनेको थिएँ’

1 Comments

Umesh

तपाईको प्रतिक्रिया

तपाईको प्रतिक्रिया