राजदूत नभए पनि घरभाडा तिर्दै सरकार, वार्षिक करोडौं रुपैयाँ नोक्सान

असोज १, २०७५ सोमबार १२:४२:५१ | उमाकान्त पाण्डे

युएई – युएईका लागि नेपाली राजदूत अढाई वर्षदेखि नियुक्त भएका छैनन् । राजदूत नहुँदा युएईमा रहेको नेपाली दूतावास कार्यवाहकको भरमा चलिरहेको छ ।

राजदूत नहुँदा पनि आबुधाबीमा रहेको राजदूत बस्ने दुई तल्ले घरको भाडा भने सरकारले तिर्दै आएको छ । वार्षिक झण्डै दुई लाख २० हजार दिर्हाम अथवा झण्डै ७० लाख रुपैयाँ राजदूतको घरभाडामा नोक्सान भइरहेको छ ।

मान्छे नबस्ने घरको मात्रै होइन, पानी बत्तीको न्युनतम शुल्क मासिक तिर्नुपर्ने भएकाले वार्षिक करोड भन्दा धेरै सरकारले नोक्सान व्यहोरेको छ । राजदूत नभए पनि निवासको बर्सेनि सम्झौता नवीकरण भइरहेको छ । हरेक वर्षको डिसेम्बर अन्तिम हप्ता सम्झौताको म्याद सकिन्छ ।

आफू युएई आउँदा सम्झौता नवीकरण भइरहेको कार्यवाहक राजदूत सागरप्रसाद फुयाँलले बताउनुभयो । ‘म आउदा सम्झौता भइसकेको थियो, रद्द गर्न मिलेन, अब छिट्टै राजदूत नियुक्त हुने कुरा छ, प्रयोगमा आउन सक्छ,’ उहाँले भन्नुभयो ।

नेपालबाट आउने केही सरकारी टोली त्यही घरमा बस्ने गरेका छन् । संसदको अन्तर्राष्ट्रिय सम्बन्ध तथा श्रम समितिका सभापति प्रभु शाहको नेतृत्वमा गएको वर्ष आएको ९ सदस्यिय टोली पनि त्यही बसेर फर्केको थियो ।

अढाई वर्षदेखि कार्यवाहकको भरमा

युएईस्थित नेपाली दूतावास अढाई वर्षदेखि कार्यवाहको भरमा चलिरहेको छ । धनन्जय झा राजदूतको कार्यअवधि सकेर २०७३ वैशाख ३ गते नेपाल फर्किनु भएको हो । त्यसयता युएईका लागि राजदूत नियुक्त भएका छैनन् ।

राजदूत झा युएईबाट फर्किए लगत्तै उपनियोग प्रमुख रहेका नेत्रबहादुर टण्डनले कार्यवाहक राजदूतको जिम्मेवारी सम्हाल्नु भएको थियो । युएईका लागि निर्धारित कार्यअवधि सकिएको र राजदूत पद नपाएपछि अवकास पाउन केही समय बाँकी रहँदै सेवाबाट राजिनामा दिएर टण्डन नेपाल फर्किनुभएको थियो ।

त्यसपछि रिक्त रहेको पदमा राजदूत नियुक्त नगरी साउदीमा रहेको दूतावासमा समेत काम गरेका सागरप्रसाद फुयाँललाई ८ महिना अघि कार्यवाहककै रुपमा युएई पठाइयो ।

नेपाल–युएई ४१ वर्षे कुटनीतिक सम्बन्ध

नेपाल र युएईबीच कुटनीतिक सम्बन्ध स्थापना भएको गएको जनवरी २२ मा ४१ वर्ष पुग्यो । २२ जनवरी १९७७ मा स्थापित सम्बन्धलाई नेपालले युएईमा सन् २००४ को अप्रिल ११ मा दूतावास स्थापना गरेर थप उचाइमा पुर्‍याएको हो ।

सन् २००४ मा कार्यवाहक राजदूत राखेर दूतावास सुरु गरिएको थियो भने २००७ डिसेम्बर २१ बाट युएईमा राजदूतले जिम्मेवारी सम्हालेका थिए ।

मधुवन पौडेल र मोहनकृष्ण श्रेष्ठले कार्यवाहक राजदूतको रुपमा काम गर्नुभएको थियो । त्यसपछि राजदूत भएर अर्जुनबहादुर थापाले काम गर्नुभयो । थापाको कार्यकाल सकिए लगत्तै उपनियोग प्रमुख तथा हालका शिष्टाचार महापाल दिपक अधिकारीले समेत कार्यवाहकको रुपमा काम गर्नुभएको थियो । त्यसपछि राजदूतको रुपमा झा युएई आउनु भएको थियो ।

अन्तिम अपडेट: मंसिर १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उमाकान्त पाण्डे

उज्यालाे सहकर्मी उमाकान्त पाण्डे युएईमा बसेर पत्रकारिता गर्नुहुन्छ।

1 Comments

Ramesh Bhusal
Sept. 18, 2018, 7:21 a.m.
युएईमा हुने नेपाली सम्बन्धित समाचार सामाग्री उज्यालोले पस्किरहेकोमा आभारी छौ,उज्यालोको उमाकान्त पाण्डेले युएईबाट नीयमित रुपमा गरेको समाचार सम्प्रेशणले हामीलाई फाईदा दिएको छ/सरकारलाई समेत झकझकाउने यस्ता सामाग्री अझै खोजीखोजी पस्किनुहोला है ।
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

राजदूत नभए पनि घरभाडा तिर्दै सरकार, वार्षिक करोडौं रुपैयाँ नोक्सान

अढाई वर्षदेखि कार्यवाहकको भरमा

नेपाल–युएई ४१ वर्षे कुटनीतिक सम्बन्ध

1 Comments

Ramesh Bhusal

तपाईको प्रतिक्रिया

तपाईको प्रतिक्रिया