उत्तर र दक्षिण कोरियाका राष्ट्रप्रमुखले एयरपोर्टमै गरे अंकमाल

असोज २, २०७५ मंगलबार १३:३१:२२ | उज्यालो सहकर्मी

उत्तर कोरियाका नेता किम जोन उनले दक्षिण कोरियाका राष्ट्रपति मुन जे इनलाई मंगलबार प्योङयाङमा स्वागत गरेका छन् ।

उत्तर कोरिया र दक्षिण कोरियाबीच यस वर्षको तेस्रो भेटघाटका क्रममा मुन तीन दिने भेटघाटको लागि उत्तर कोरियाको प्योङयाङ पुगेका हुन् । कोरिया प्रायद्विपमा शान्ति स्थापना गर्ने उद्देश्यका साथ उनीहरुको भेटघाट भएको छ ।

मुन आएको हवाइजहाज नजिकै सुनान अन्तर्राष्ट्रिय विमानस्थलमा दुईवटै देशका प्रमुखले मुस्कुराउँदै अंगालो हालेका थिए । मुनको स्वागतार्थ पन्ध्र मिनेटसम्म सैनिक धुन बजाइएको थियो । त्यसपछि मुन, किम र उनीहरुकी श्रीमतीले विभिन्न अधिकारीहरुसँग हात मिलाएका थिए ।

उत्तर कोरियाका सञ्चारमाध्यमका अनुसार किम सन् २०११ मा सत्तामा आएपछि विदेशी पाहुनालाई एयरपोर्टमै स्वागत गर्न आएको यो पहिलो घटना हो ।

दक्षिण कोरियाका राष्ट्रपति मुनको स्वागतमा उत्तर कोरियाका नागरिकहरुले एयरपोर्टमा फूल र झण्डा हावामा उडाएका थिए । एयरपोर्टबाट आउने क्रममा उनीहरु खुल्ला कारमा रोडको छेउछाउमा स्वागत गर्न उभिएकाहरुलाई हात हल्लाएका थिए । जसले कोरियन प्रायद्विपको एकताको संकेत गरेको छ ।

यो तीन दिने भेटघाटमा दुईवटै देशका राष्ट्रप्रमुखले आर्थिक सहकार्य, उत्तर कोरियाली आणविक हतियार व्यवस्थापन र कोरियन युद्धको औपचारिक अन्त्यको निर्णयबारे बहस गर्ने भएका छन् ।

एक वर्षभित्र उत्तर कोरिया र दक्षिण कोरियाबीचको सम्बन्ध निकै राम्रो भएको अधिकारीहरुले टिप्पणी गरेका छन् ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्