दिल दुखाउने यो तस्बिर जसले केही दिनमै जुटायो लाखौँ रुपैयाँ

असोज ४, २०७५ बिहीबार ११:४६:४८ | उज्यालो सहकर्मी

भारतको नयाँ दिल्लीमा नाली सफा गर्ने क्रममा एक जनाको ज्यान गएको छ ।

३७ वर्षका अनिल पश्चिमी डाबरी इलाकामा रानी र तीन सन्तानका साथ भाडामा लिइएको कोठामा बस्थे । १४ सेप्टम्बरको साझ छिमेकका एक व्यक्तिले अनिललाई नाला सफा गर्न बोलाए ।

नाला सफा गर्नका लागि उनी नालीभित्र पसे, उनको कम्बरमा बाँधिएको डोरी चुँडियो । डोरी चुडिएका कारण उनी २० फिट गहिरो नालीमा खसे ।

उनलाई तत्काल अस्पताल लगिएको थियो तर उनी बाँचेनन् । उनलाई अस्पतालले मृत घोषणा गर्यो ।
डाबरी पुलिस स्टेशनका एसएचओ विजय पालले बताए अनुसार उनी एक प्राइभेट कम्पनीमा काम गर्थे । उनलाई त्यहीँका मालिकले नाला सफा गर्न बोलाएका थिए । नाला सफा गर्ने क्रममा उनको मृत्यु भयो ।

यसअघि पनि नालामा डुबेर ५ जनाको मृत्यु भएको थियो । यसरी मृत्यु भएका घटनामा सरकार र निजी कम्पनी जवाफदेही हुँदैन ।

किन चर्चामा आए अनिल ?

अनिलको परिवारको अवस्था यति कमजोर छ कि उनीहरुसँग अनिलको दाहसंस्कार गर्ने पैसासमेत थिएन ।

अनिलको मृत्युपश्चात् भारतीय संचारमाध्यमका पत्रकार शिव सन्नीले एक बालकले आफ्ना बुवाको लास अघि उभिएर रोइरहेको फोटो सामाजिक सञ्जालमा पोष्ट गरे । तस्वीरमा अनिलको शव सेतो कपडाले बेरिएको छ भने छेउमा उनका छोरा एउटा हात बाबुको शवमा र अर्को हात आफ्नो शीरमा राखेर रोइरहेका छन् ।

यो तस्बिर केही समयपछि हजारौँ मानिसले रिट्वीट गरिदिए । उनको परिवारको लागि यो तस्बिर सबैभन्दा महत्वपूर्ण बन्यो । ‘क्राउडफण्डिङ’बाट अहिलेसम्म झण्डै ५० लाखभन्दा बढी रकम उठेको छ ।

–बीबीसीको सहयाेगमा

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्