चीनले तत्काल ताइवानमा आक्रमण गर्ने सम्भावना छैन : अमेरिकी सेना प्रमुख

असार १९, २०७९ आइतबार १८:९:१० | एजेन्सी

अमेरिकाका सैन्य प्रमुख मार्क मिलीले चीनले ताइवानमाथि तत्काल आक्रमण गर्ने अवस्था नदेखिएको तर अमेरिकाले त्यहाँको अवस्थालाई नजिकबाट नियालिरहेको बताउनुभएको छ ।

चीनले ताइवान सीमा नजिक सैन्य क्षमता विस्तार गरिरहेका बेला अमेरिकी सैन्य प्रमुख जेनरल मिलिले तत्काल आक्रमणको सम्भावना नरहेको बताउनुभएको बीबीसीले जनाएको छ । चीनले क्षमता विस्तार गरिरहेको तर आक्रमणबारेको निर्णय राजनीतिक हुने उहाँको भनाइ छ । उहाँले ताइवानमाथिको आक्रमणले चीनलाई मात्र नभइ विश्वलाई नै समस्यामा पार्ने बताउनुभयो ।

चीनले अमेरिकालाई ताइवानको स्वतन्त्रतालाई समर्थन गरेको र त्यस्तो प्रयासलाई निरर्थक बनाउने बताउने गरेको छ । यो विषयलाई लिएर चीन र ताइवानबीच तनाव बढिरहेको बेला अमेरिकी सेनाको भनाइ सार्वजनिक भएको हो । चीनले ताइवानको हवाई रक्षा क्षेत्रमा लडाकु विमानहरू उडाउने क्रम बढाएको छ भने अमेरिकाले ताइवानको समुद्र क्षेत्रमा पानीजहाजहरू पठाएको छ ।

चीनले ताइवान आफूसँग छुट्टिएको एक प्रान्त भएकोले आवश्यक परे शक्ति प्रयोग गरेर भए पनि गाभ्नुपर्ने बताउँदै आएको छ । चीन र ताइवान सन् १९४० को दशकको गृहयुद्धमा अलग भएका थिए ।

अन्तिम अपडेट: कात्तिक २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

चीनले तत्काल ताइवानमा आक्रमण गर्ने सम्भावना छैन : अमेरिकी सेना प्रमुख

तस्बिर : एजेन्सी

तपाईको प्रतिक्रिया