केही गर्छु भनेर आएकाे छु, अबको ५ वर्ष ‘रफ्तार’ मा काम गर्छु : रेनु दाहाल

असार २४, २०७९ शुक्रबार १६:२२:१४ | उज्यालो सहकर्मी

चितवन – भरतपुर महानगरपालिकाकी मेयर रेनु दाहालले अबको पाँच वर्ष रफ्तारमा काम गर्ने बताउनुभएको छ । भरतपुर वडा नम्बर १ काे लोक कल्याण सेवा प्रतिष्ठानद्वारा सञ्चालित राम जानकी बालिका आश्रमको गृह प्रवेश समारोहलाई सम्बोधन गर्दै उहाँले यस्तो बताउनुभएको हो ।

मेयर दाहालले यो कार्यकालमा पनि विगतको जस्तै साझा ढङ्गबाट सबैसँग हातेमालो गरेर अगाडि बढ्ने उल्लेख गर्नुभयो । ‘म दोस्रो कार्यकालका निर्वाचित भएको छु’, उहाँले भन्नुभयो, ‘म केही गर्छु भनेर आएको छु । बृहत् सङ्कल्पसहित आएको छु । म भरतपुरको विकासलाई रफ्तारमा लैजाने छु । समानुपातिक विकास मेरो प्रतिबद्धता हो ।’

विगतमा महानगरपालिकाले भौतिक पूर्वाधारको क्षेत्रमा मात्रै नभइ दिगो विकासको लक्ष्यअनुसार सामाजिक क्षेत्रमा पनि ठूलो फड्को मारेकाे उहाँकाे दाबी छ ।

राम जानकी बालिका आश्रम निर्माणका लागि महानगरपालिकाले तीन कठ्ठा जग्गा र भवन निर्माणका लागि बजेट विनियोजन गरी यसको अगुवाइ गरेको मेयर दाहालले बताउनुभयाे ।

देवघाटको एक भवनमा भाडामा बालिकाहरूलाई संरक्षण गर्दै आएको आश्रमलाई भरतपुर महानगरपालिकाले जग्गा र भवन निर्माणका लागि बजेट विनियोजन गरेसँगै २८ कोठे भवन निर्माणाधीन अवस्थामा छ । भवन निर्माणमा बाग्मती प्रदेश सरकार र दाताहरूले सहयोग गरेका छन् । भवन निर्माणका लागि झन्डै दुई करोड रुपैयाँ खर्च भइसकेको छ ।

बाँकी निर्माण कार्य सम्पन्न गर्न भरतपुर महानगरपालिकाले यस आर्थिक वर्षमा पनि बजेट विनियोजन गर्ने भरतपुर महानगरपालिकाकी मेयर दाहालले प्रतिबद्धता व्यक्त गर्नुभयो ।

कार्यक्रममा मेयर दाहालले देवघाट क्षेत्रलाई आकर्षक धार्मिक पर्यटकीय क्षेत्रको रूपमा विकास गर्न महानगरपालिका अगाडि बढेको बताउनुभयो । भरतपुरले मेडिकल, पर्यटकीय, शिक्षा, पूर्वाधार क्षेत्रमा धेरै फड्को मारेकाले अब भने धार्मिक क्षेत्रको विकासलाई प्रथामिकतामा राखेको उहाँले उल्लेख गर्नभयो ।

देवघाट आवतजावत गर्न वृद्धावृद्धलाई निःशुल्क बिजुली बस सञ्चालनमा ल्याउने पनि उहाँले जानकारी दिनुभयो ।

अन्तिम अपडेट: पुस २५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्